“Barilga expo” барилгын үзэсгэлэн нь олон улсын хэмжээнд зохион байгуулагддаг гэдгээрээ онцлог бөгөөд Итали, Герман, Польш, Швейцарь, Итали, Франц, Орос, Япон, Хятад, Солонгос, Тайвань, Турк зэрэг орнуудын дэлхийн шилдэг брэнд, үндэсний шилдэг үйлдвэрлэгчид, орон сууц үл хөдлөх хөрөнгийн төсөл, хөтөлбөр хэрэгжүүлэгчид жил бүр оролцдог билээ. 

Энэ удаад “Barilga Expo - 2020” үзэсгэлэн цахим хэлбэрээр зохион байгуулагдаж байгаатай холбогдуулан 5-р сарын 27-нд “Монгол- Солонгос”, 5-р сарын 28-нд “Монгол- Орос” улсуудын барилгын салбарт бизнес эрхэлдэг барилгын материал үйлдвэрлэдэг болон худалдаалдаг томоохон компаниудын цахим уулзалт Zoom аппилейкшнаар явагдах болно.Энэхүү бизнес уулзалтын давуу тал нь хоёр орны барилгын салбарын хамтын ажиллагааг нэмэгдүүлэх, харилцаа холбоог өргөжүүлэх, хоёр талын бизнес харилцааг дэмжихэд оршиж байгаа юм.

Мөн тус улсуудын материал үйлдвэрлэгч, ханган нийлүүлэгч, бизнес эрхлэгч нар Монголын зах зээлд бараа материалаа танилцуулан албан ёсоор нийлүүлэх боломжийг эрэлхийлж компаниудтай холбогдох нөгөө талаас Монголын барилгын салбарын Аж ахуйн нэгж байгууллагууд \ААНБ\ тус хоёр улсын бараа бүтээгдэхүүнийг Монголд нутагшуулах, тэдний албан ёсны дистербюьтер болох хүсэлтэй байгууллагуудад зориулсан чухал  уулзалт болох юм. 

 Та бизнес уулзалтад бүртгүүлэх бол ЭНД дарна уу.

Дэлгэрэнгүй мэдээллийг 9999-5681, 7011-3333