Барилга, хот байгуулалтын сайдын албан даалгавар гарлаа
Барилга байгууламжийн үйлдвэрлэлд, чанар аюулгүй байдлыг хангуулах, COVID-19 халдварын эрсдэлээс урьдчилан сэргийлэх ажлыг зохион байгуулж, ажиллах зарим арга хэмжээний тухай Барилга, хот байгуулалтын сайдын албан даалгавар гарлаа.
Халдварын эрсдэлээс урьдчилан сэргийлэх чиглэлээр
- Барилга угсралтын ажлыг ажилчдын төвлөрөл, бөөгнөрөлийг үүсгэхгүй байхаар зохион байгуулах
- Ажилчдыг ажилд гарахын өмнө эрүүл мэндийн үзлэг, биеийн дулаан, хамгаалалтын хувцас, хэрэглэлийг шалгах, зааварчилгаа өгөх
- Үдийн хоол цайг олноор цуглуулж, нийтийн гал тогоонд хооллохгүй байхаар зохион байгуулах ... зэрэг чухал арга хэмжээг авч хэрэгжүүлэхийг даалгасан байна.
Харин Барилга байгууламжийн чанар аюулгүй байдлыг хангуулах чиглэлээр
- Барилга байгууламж барих, шинэчлэх, засварлахдаа гудамж, зам, талбай сэтлэх, эвдэж сүйтгэх, шугам сүлжээ шилжүүлэх, мод, цэцэгжүүлэлтийг түр зайлуулбал тэдгээрийг нөхөн сэргээх ажлыг түргэн шуурхай зохион байгуулах
- Барилга байгууламжид хэрэглэгдсэн материал, тоног төхөөрөмж, зураг төсөлд заасан техникийн үзүүлэлтийг хангаж байгааг нотлох шаардлагатай тохиолдолд лабораторийн шинжилгээ хийлгэж, дүгнэлт гарган баталгаажуулах ажлыг хариуцлагатай зохион байгуулах ... зэрэг албан даалгаварыг гаргаад байна.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.