2014 онд Налайхын барилгын материалын үйлдвэрлэл, технологийн парк /НБМҮТП/ - ийг байгуулахаар болж, 2014-2016 онд 120 га талбайд уг паркийг байгуулах бэлтгэл ажлууд хийгдэж, 2016-2020 онд энэ га талбайд үйлдвэрүүдийн бүтээн байгуулалтын ажлууд хийгдэж байна. Цаашлаад 2020-2024 онуудад 130 га талбайд тус паркийн өргөтгөл байгуулах ажлууд үе шаттайгаар хийгдэх юм.  Одоогоор паркт байршихаар хүсэлт өгсөн 80 аж ахуйн нэгжээс үйл ажиллагаа явуулахаар гэрээ байгуулсан 21 аж ахуйн нэгж байна. Ашиглалтад орсон хоёр үйлдвэр бүтээгдэхүүнээ үйлдвэрлээд үйл ажиллагаа хэвийн үргэлжилж байна. 2020 онд ашиглалтад таван үйлдвэр оруулахаар бэлтгэл ажлыг хангаж эхэлсэн гэдгийг албаныхан мэдээллэсэн юм.

Налайхын барилгын материалын үйлдвэрлэл, технологийн парк бүрэн ашиглалтад орсноор Монгол Улсын Барилгын материалын үйлдвэрлэлийн салбарын хөгжилд өндөр хувь нэмэр оруулахаас гадна барилгын материалын салбарт инноваци, дэвшилтэт техник, технологи нэвтэрч төвийн бүсийн болон Улсын хэмжээний тээвэр, логистикийн сүлжээг хөгжүүлэхэд томоохон хувь нэмэр оруулах аж. Мөн Монгол Улсын Барилгын материалын үйлдвэрлэл дунджаар хоёр дахин нэмэгдэж, 1500 орчим ажлын байр шинээр бий болно. Түүнчлэн Улаанбаатар хотын хүн амын төвлөрөл, агаар хөрсний бохирдлыг бууруулахад жинтэй хувь нэмэр оруулах юм байна.

2019 онд хийсэн ажлын үр дүнгийн тайлангаас үзэхэд, 1635 метр үерийн барилга байгууламжийн өндөржилтийн хоёрдугаар ээлжийн бүтээн байгуулалтын ажлыг эхлүүлсэн ба ажлын явц 80 орчим хувийн гүйцэтгэлтэй байна. Мөн паркийн гадна авто зам буюу “Улаанбаатар-Замын-Үүд чиглэлийн авто замаас паркийн зүүн хойд цэг хүртэлх 4,64 км авто замын ажил 90 хувийн гүйцэтгэлтэй байгаа бөгөөд 2020 онд явган зам, ногоон байгууламж, тэмдэг тэмдэглэгээг гүйцээх юм.

Түүнчлэн паркт үйл ажиллагаа эрхэлж буй үйлдвэрүүдэд ажиллах хүний нөөцийг Налайх дүүргийниргэдээс төвлөрүүлж байгаа бөгөөд 2019 оны жилийн эцсийн байдлаар нийт 365 иргэнийажилд орох хүсэлтийг бүртгэн 150 иргэнийг ажлын байраар хангаад байна.

 Тайлангийн дэлгэрэнгүйг уншихыг хүсвэл энд дарж үзнэ үү