Барилгын материалын худалдаа болон барилгын бүх төрлийн үйлчилгээ эрхлэх зорилгоор байгуулагдсан 100 хувь дотоодын хөрөнгө оруулалттай “Айвуун Аргалант” ХХК нь импортыг орлох бүтээгдэхүүн үйлдвэрлэх чиглэлээр судалгаа, шинжилгээ хийсний үндсэн дээр барилгын хуурай хольц буюу дотор болон гадна фасадны өнгөлгөө, бүх төрлийн цавууг 2 жилийн хугацаанд туршилт хийн “Монгол Фасад” үйлдвэрийн байраа барьж, тоног төхөөрөмжөө суурилуулан өнгөрсөн оны 8-н сараас өдөрт 20 тонн, жилд 5000-5500 тонн бэлэн бүтээгдэхүүн үйлдвэрлэх хүчин чадалтай үйлдвэрийн үйл ажилгаагаа эхлүүлжээ. 

“Чанар”-ыг гол зарчмаа болгосон тус компаний үйлдвэрлэж буй бүтээгдэхүүнүүд нь ХБНГУ- ийн технологоор MNS 6424:2013, MNS 5526:2005 зэрэг Монгол улсын чанар стандартын шаардлагыг бүрэн хангасан, импортыг орлох цаашид экспортод гарах бүрэн боломжтой бүтээгдэхүүн юм.

   Гадна фасадны хар замаск болон цавуу, дотор хар замаск, цагаан замаск, гадна дотор эмульс, блок, плитаны цавуу болон Евро хөнгөн блокыг дотооддоо үйлдвэрлэдэг бол өнгөлгөөний гадна болон дотор чулуун фасадыг  импортоор оруулж ирдэг байна.  

Хамгийн сүүлд Евро стандартын хөнгөн блок, гадна болон дотор эмульсийг шинээр үйлдвэрлэж эхэлсэн байна.   Евро хөнгөн блок нь хөнгөн, бат бэх, даац сайтайгаас гадна дулаан хадгалах чадвар сайн, суулт өгдөггүй, шатдаггүй, байгальд ээлтэй юм. Тус бүтээгдэхүүнийг амины орон сууц, үйлдвэр, эмнэлэг, сургуулийн байр гэх мэт иргэний болон үйлдвэрлэлийн зориулалттай барилга барихад ашиглахад илүү тохиромжтой. Бүтээгдэхүүний үндсэн найрлагад кварцын агууламжтай элс, шатаасан шохой, цемент, гөлтгөнө, хөнгөн цагааны нунтаг орох бөгөөд өөрийн орны түүхий эдээр үйлдвэрлэсэн байна.  Гадна болон дотор эмульсийг Солонгос улсын шилдэг технологиор үйлдвэрлэдэг ба бетон, шавар, мод, тоосго зэрэг гадаргууд хэрэглэх боломжтой ба байнгын хуурай нөхцөлд төмөр гадаргууг ч будах боломжтой бол дотор эмульс нь элдэв үнэргүй эко, акрилан бүтэцтэй хүний эрүүл мэндэд хоргүй усан суурьтай гэдгээрээ давуу талтай байна. 

Бүтээгдэхүүнүүддээ тогтмол шинжилгээ хийж баталгаажуулахаас гадна Монгол улсын чанар стандартыг хангасан зориулалтын уутанд савладаг байна. Тийм ч учраас эх орондоо үйлдвэрлээд удаагүй байгаа бүтээгдэхүүнүүд нь томоохон төслүүдийн байнгын хэрэглэх бүтээгдэхүүн болж чаджээ. Дотооддоо үйлвэрлэсэн бүтээгдэхүүнүүд нь аль хэдийн томоохон төслүүдэд хэрэглэгдэх бүтээгдэхүүн болж чаджээ. Одоо Евро хөнгөн блокны үйлдвэрээ ашиглалтад оруулахаар ажиллаж байгаа аж.