“Барилга экспо 2020” үзэсгэлэн яармагийн төлөвлөгөөт тов өөрчлөгдлөө
Жил бүрийн хавар барилга бүтээн байгуулалтын ажил эхлэх үеийг угтан салбарын шилдэг бүтээгдэхүүн, дэвшилтэт технологийг нэвтрүүлж буй бизнес эрхлэгчдийг болон салбарын үйл ажиллагааг дэмжих зорилготой зохион байгуулагддаг “Барилга экспо 2020” үзэсгэлэн яармагийг 2020 оны 4 сарын 24-26-ны өдрүүдэд "Барилгын материал, дэвшилтэт технологи" чиглэлээр, 2020 оны 5 сарын 01-03-ны өдрүүдэд "Орон сууц, үл хөдлөх хөрөнгө" чиглэлээр тус тус зохион байгуулахаар төлөвлөөд байсан билээ.
Гэвч дэлхий нийтэд хурдацтай тархаад буй шинэ төрлийн “Covid-19” өвчнөөс урьдчилан сэргийлэх зорилгоор Улсын онцгой комиссоос “2020 оны 4-р сарын 30-ны өдрийг дуустал онц байдлын дэглэм тогтоож, энэ хугацаанд олон нийтийг хамарсан арга хэмжээг зохион байгуулахыг хориглосон” шийдвэрийн дагуу “Барилга экспо 2020” үзэсгэлэн яармагийн товыг дараах хуваарийн дагуу зохион байгуулахаар шийдвэрлэлээ.
2020 оны 5-р сарын 1-нээс 3-ны өдрүүдэд “Барилгын материал, дэвшилтэт технологи” чиглэлээр
2020 оны 5-р сарын 8-наас 10-ны өдрүүдэд “Орон сууц, Хаус дизайн” чиглэлээр тус тус Мишээл экспо төвд зохион байгуулахаар бэлтгэл ажлыг ханган ажиллаж байгааг энэхүү албан бичгээр мэдэгдэж байна.
Та бүхэнд тодруулах зүйл байвал бидэнтэй холбогдоно уу.
9900-0981, 7011-3333
Үзэсгэлэнгийн талаарх дэлгэрэнгүй мэдээллийг ЭНДЭЭС авна уу.