2014 оноос эхлэн үйл ажиллагаагаа явуулж буй “Улаан Глобал Трейд ХХК” - ийн ерөнхий менежер Н.Гансувдтай Монголд албан ёсны эрхтэйгээр оруулж ирж байгаа  Японы "Кансай пейнт" компанийн бүх төрлийн будгын талаар ярилцлаа.

Танай компани ямар чиглэлээр үйл ажиллагаа явуулдаг вэ?

-Манай “Улаан глобал трейд" ХХК нь 2014 оны 3-р сард албан ёсоор байгуулагдсан. Япон улсын "Кансай пейнт" компанийн Алеско брендийн чанартай будаг, эмульсийг албан ёсны эрхтэйгээр  ханган нийлүүлдэг. Тус брендийн усан болон тосон суурьтай будаг, тусгай зориулалтын хамгаалалтын будгийг дэлхийн томоохон автомашин үйлдвэрлэл, уул уурхайн тоног төхөөрөмж үйлдвэрлэл, бүх төрлийн  хүнд болон хөнгөн үйлдвэр , эмнэлэг, сургууль, иргэний болон үйлдвэрлэлийн барилга байгууламжуудад өргөнөөр ашиглаж байна. Бид үйлчлүүлэгчдэдээ ямагт байгаль орчинд ээлтэй, өндөр чанартай бүтээгдэхүүн санал болгодог. Манай үйл ажиллагааны үндсэн зарчим нь манай бүтээгдэхүүний аюулгүй байдал, өндөр чанар, бат бөх байдал дээр тулгуурладаг юм.

"Кансай пейнт" компанийн тухай танилцуулахгүй юу?

"Кансай пейнт" нь анх 1918 онд Кацүжиро Ивай үүсгэн байгуулснаас хойш одоог хүртэл 100 гаран жилийн баялаг түүхтэй. Дэлхийн топ 10 будаг үйлдвэрлэгчийн нэг гэж тооцогддог.

"Кансай пейнт" корпорацын голлох үйл ажиллагаа бүх төрлийн будаг үйлдвэрлэл, будгийн гүйцэтгэлийн хяналт , өнгөний загвар зохион бүтээх, биотехнологи, электроникийн салбарт бүтээгдэхүүн үйлдвэрлэх, борлуулах юм. Одоогоор "Кансай пейнт" нь Африк, Европ, Япон, Хятад, Зүүн ба Зүүн өмнөд Ази, Америк улсад үйлдвэртэй.  Манай компани Малайз дахь үйлдвэрээс нь бүтээгдэхүүнээ нийлүүлдэг.

“Алеско” брэндийн будаг бусад будагнаас ямар давуу талтай вэ?

-Манай бүх бүтээгдэхүүн хүний эрүүл мэнд ба байгальд ээлтэй гэдгээрээ онцлог.  Жишээ нь “Par Weathercoat” нь 100 хувийн цэвэр акрил бөгөөд гүйцэтгэл өндөр, дээд зэргийн чанартай, гайхалтай тэгш гөлгөр, тансаг мэдрэмж төрүүлэх гадна фасадны будаг. Эрс тэс уур амьсгалд зориулан тусгайлан боловсруулсан тус будаг нь энгийн эмульсийг бодвол удаан тогтоцтой ба хуурахгүй, ховхрохгүй ,өнгөө алдахгүй, мөөгөнцөр замаг үүсэхгүй  зэрэг давуу талтай. “KANSAI ALES AB CLEAN” болон “KANSAI ALES SHIQUY” дотор ханын эмульс нь эмгэг төрүүлэгч нян бактери устгах зориулалттай, хөгц мөөгөнцрийг үр дүнтэй эсэргүүцдэг. “ALES ANTI-MOSQ” нь дээд зэргийн чанартай шумуул үргээх үндсэн зориулалттай. Энэ мэтээр нийлүүлж байгаа бүхий л бүтээгдэхүүн маань өөрсдийн давуу талтай, чанарын шаардлага хангасан байдаг.

-Одоогоор хичнээн нэр төрлийн будаг зах зээлд худалдаалж байна вэ?

Одоогийн байдлаар барилгын гадна, дотор заслын энгийн хэрэгцээнд зориулж нийт 11 нэр төрлийн будгийг худалдаалж байна.

-Танай компанийн оруулж ирж байгаа бүтээгдэхүүнд хэрэглэгчид хэр сэтгэл хангалуун байдаг вэ?

Хэрэглэгчдэдээ чанартай бүтээгдэхүүнийг нийлүүлж, баталгаа олгодог учраас сэтгэл хангалуун байдаг. Манай бүтээгдэхүүнийг хэрэглэсэн тоймтой, олны нүдэнд ил  гэвэл УДЭТ-ын барилга байна. Сажаа бандийн хийд, “Орчлон 2” цогцолборын гадна будаг, “Агниста” хотхоны хоёрдугаар блок, “SUNSHINE VILLAGE” хотхоны гадна будаг гэх мэтээр дурдаж болно.

-Будгандаа хэдэн жилийн баталгаа өгдөг вэ?

Гадна фасад нь нар, салхи зэрэг орчны нөлөөнд ил байдаг учир доод тал нь 6 жилийн баталгаа өгдөг. Хамгийн гол анхаарах зүйл бол будах гадаргууг зохих шаардлагын дагуу бэлдэж, технологийн дагуу будгын ажлыг гүйцэтгэвэл манай будагны эдэлгээ даах, өнгөө хадгалах тал дээр эргэлзэх хэрэггүй.  

-Эрүүл ахуйн талаас танай будаг нь шаардлага хангасан уу?

ISO 9001, ISO14001 стандартын шаардлагыг бүрэн хангасан. Мөн ЭКО тэмдэглэгээний гэрчилгээтэй. Үүнээс гадна энгийн хэрэглэгч ч мэдрэхүйн түвшинд эрүүл ахуйн шаардлагыг хэрхэн хангасан байгааг мэдэх боломжтой. Дотор заслын будгууд маань үнэргүй болон бага зэргийн жимсний анхилам, гааны сэнгэнэсэн үнэртэй байдаг. Тосон будгийн хувьд толгой өвтгөх хэмжээний хурц үнэр огт байдаггүй боловч эдэлгээний хувьд хэдэн жилээр яригдана.

-Хавар болж байгаа энэ үед хаа сайгүй урсгал засварын ажил эхэлдэг. Цэцэрлэг, сургууль болон эмнэлгийн байранд будгийн ажил гүйцэтгэхдээ юуг анхаарах хэрэгтэй вэ?

Эрүүл ахуйн шаардлага хангасан будгийг нэг түрүүнд сонгох хэрэгтэй. Дан ганц цэцэрлэг, эмнэлэг гэхгүйгээр энгийн орчинд ч эрүүл ахуйн шаардлагыг нэн тэргүүнд тавих нь чухал. Юун түрүүнд хүнд металл, хар тугалгагүй байх, дэгдэмхий органик нэгдлийг хамгийн бага түвшинд барих зэрэг шаардлагыг хангасан байх хэрэгтэй. Манай брэндийн будгийг тусгай судалгаа шинжилгээнд үндэслэн лабораторид гарган авдаг. Жишээлбэл, бактери эсэргүүцэгчтэй, матт гүйцэтгэл бүхий PAR SUPERMATT, гялалзсан торгомсог мэдрэмж төрүүлэх, угааж болдог PAR SILK нэрийн энгийн акрил эмульсэн будаг байна. Тиймээс нэрийн бүтээгдэхүүнүүд дээрээс эко тэмдэглэгээг харж болно. Мөн “JAPAN’s NO1“ тэмдэглэгээтэй. "Кансай пейнт"  групп бол зөвхөн судалгаа, шинжилгээний ажилдаа жилд доод тал нь 60 сая ам.долларыг зарцуулдаг учраас хамгийн аюулгүй, эрүүл мэндийн шаардлага хангасан бүтээгдэхүүн үйлдвэрлэдэг гэж ойлгож болно. 

-Монголчууд барилгын будаг сонгохдоо зөвхөн үнийг нь анхаардаг. Будаг сонгохдоо ямар зүйлийг харгалзан үзэх шаардлагатай вэ? 

Одоо улсын хэмжээнд зарлагдаж байгаа тендерүүдээс харахад хамгийн хямд бүтээгдэхүүнээр төсөвлөсөн байдаг. Ингээд жил бүр  урсгал засвар хийх шаардлагатай барилга, байгууламжийг улсад хүлээлгэн өгдөг. Үүний оронд албан ёсны эрхтэй борлуулагчаас технологийн харьцуулалт хийж үзсэний үндсэн дээр жил бүр зардал гаргаж засвар хийх үү, эсвэл чанартай будгаар боломжийн үнээр засаад 3-4 жилдээ нэг удаа засвар хийх үү гэж асуудалд хандах шаардлагатай байгаа юм. Мөн сурталчилгаан дээр ашиглаж буй хор аюулгүй гэдэг үг гэрчилгээ баримтаар баталгаажих эсэхийг зайлшгүй шалгах хэрэгтэй гэж боддог. Харин барилгын компаниудын хувьд өөрийн нэрийн хуудас болсон барилгын өнгө үзэмжээ хэдэн жилийн насжилттай байх вэ гэдгийг тодорхойлж будгаа сонгох хэрэгтэй гэж боддог. Чанартай баригдсан барилга атлаа хоёроос гурван жил болоод будаг нь халцарч, ховхроод байвал хэн ч сайн барилга гэж санахгүй  нь лавтай.

Түүнчлэн бүтээгдэхүүний савлагааны нэгж үнийг харахаасаа илүү чанар болон хэрэглэгдэх гадаргуун хэмжээг тооцох хэрэгтэй. Жишээлбэл, Кансай Пейнт будгийн 1 литр нь дан үеэр 10-12 м2 гадаргууг буддаг бол бусад будагны 1 литр нь хэдэн м2 гадаргууг будах вэ, гэх мэт. Иймээс будах талбайг цогцоор тооцоолон үзэж чанар болон үнийн харьцуулалтыг хийх хамгийн зөв юм.   

-Хямдханыг нь бодоод тусгай шингэлэгч бодисоор шингэлдэг буюу тосон суурьтай хурц үнэртэй будгийг урсгал засварт өргөнөөр ашигладаг. Энэ ямар сөрөг нөлөөтэй вэ?

Нэг үеэ бодвол манай хэрэглэгчид эрүүл ахуйдаа маш их анхаардаг болсноороо хямд буюу чанаргүй будаг хэрэглэх нь багасаж байна. Эмульс гэдгийг зөвхөн цагаан өнгөтэй шохой шиг, харин тосон будаг үнэр ихтэй ч эдэлгээ удаан гэдэг ойлголттой байсан үе саяхан. Харин одоо угааж болдог, усан суурьтай акрил эмульс хэрэглээнд өргөн ашиглагдаж байна. Бид олон өнгөний сонголттой акрил эмульсийг матт болон угаадаг гэсэн сонголтоор хэрэглэгчдэд хүргэж байна. Будганд агуулагдах химийн агууламж, хэдий чинээ их байна төдий чинээ хурц үнэртэй байх нь бий. Наанадаж л будгийн хордлогыг бид толгой өвдөх, дотор муухайрах энгийн шинж тэмдгээр нь мэдэж болно. Та хичнээн гэртээ эрүүл эко орчин бүрдүүлээд, хүүхэд тань нөгөө л тосон будагтай эсвэл хямд ханын цаастай орчинд байвал  хүүхдийн эрүүл мэндэд аюул заналхийлсэн хэвээрээ л байна гэсэн үг шүү дээ. Тэгэхээр сургууль цэцэрлэгүүд хямд үнэтэй чанаргүй будгаар жил бүр урсгал засвараа хийх үү, эсвэл сайн чанарын будгаар нэг удаа хийгээд хэдэн жил тайван суух уу гэдэг сонголт гарч ирж байгаа юм. Үүнийг урсгал засвар төлөвлөхдөө манай зураг зохиогчид цаашлаад хариуцсан байгууллага, бодлого тодорхойлж байгаа газрууд нягталж харах цаг болсон.

-Амины орон сууцныхаа гадна дотно заслыг хувь хүн өөрөө хийхээр шийдсэн бол ямар будаг ашиглавал тохиромжтой вэ?

Албан ёсны борлуулагчаас нь чанартай бүтээгдэхүүнийг авч зөв технологийн дагуу хэрэглэхийг зөвлөж байна. Мөн манай бүтээгдэхүүн нь эрүүл мэндэд хоргүй , хэрэглэхэд хялбар учир хувь хүн ч гэсэн өөрөө засалдаа хэрэглэхэд маш тохиромжтой. Бид шаардлагатай бүх зөвлөгөөг өгнө.

Гадаадын технологид ханын цаас наахаас илүү тухайн ханыг гоёлын будгаар будаж ашиглалтад оруулдаг. Харин Монголд ханын цаас наах нь илүүтэй байдаг. Эдэлгээний хувьд аль нь илүү тэсвэртэй вэ?

-Ханын цаасыг бодвол будаг ашиглах нь интерьерийн хувьд илүү үзэмжтэй, мөн хувь хэрэглэгч өөрсдөө заслаа гүйцэтгэж болдог давуу талтай. Ханын цаасанд гол нь дэгдэмхий органик нэгдэл хэр их агуулагдаж байгааг нэн түрүүнд анхаарах ёстой. Үүнээс болж бидний мэдэх олон төрлийн харшил үүсэж байдаг. Мөн та өөрийн хүссэн өнгөөр, хэдэн ч удаа сольж болдог, халтартаж, хуулрахгүй гээд будаг илүү эдэлгээтэй.

Бактерийн эсрэг будгийг ямар технологиор бүтээдэг вэ? 

-”Кансай пэйнт” групп нь бактерийн эсрэг хоёр төрлийн будаг үйлдвэрлэдэг. Зөвхөн энгийн буюу барилгын засал чимэглэлийн түвшинд гэсэн үг. “ALES AB CLEAN” болон “ALES SHIQUY”. Кансай Пэйнтийн  Япон дахь судалгааны лаборатори нь микробын эсрэг нано-мөнгөн технологи дээр удаан ажилласны эцэст “ALES AB CLEAN” будгийг гаргаж авсан. Харин “ALES SHIQUY”- ийн үндсэн бүрэлдэхүүн хэсэг нь байгалийн түүхий эд  болсон шохой буюу кальцийн гидроксид юм. “ALES SHIQUY” - ийн бас нэг шинж чанар нь орчны агаарыг цэвэршүүлэх үйлчилгээтэй.

Танай хамт олон цаашид ямар зорилго тавин ажиллаж байна вэ?

-Бид цаашдаа энгийн барилгын заслын будгуудаас гадна хамгаалалтын буюу үйлдвэр, цахилгаан дулааны станц, эмнэлгүүдэд хэрэглэгддэг тусгай зориулалтын будгуудыг нутагшуулах зорилготой байна. 

Монгол орон эрс тэс уур амьсгалтай учир барилгын салбарын бүтээгдэхүүнүүд өндөр шаардлагатай тулгардаг. Бидний зүгээс зөвхөн борлуулалтын үйлчилгээг өгөөд зогсохгүй үйлчлүүлэгчдэдээ тулгарсан асуудлууд дээр шийдэл гаргаж өгөх тал дээр хичээн ажиллаж байна.