2020 оны нэгдүгээр сарын байдлаар захиалга авч байгаа нийт шинэ орон сууцны 44.9 хувь нь худалдаалагдсан, харин 55.1 хувь нь борлогдоогүй байсныг “Тэнхлэг зууч”-аас мэдээллээ.

Ашиглалтад орсон 11.2 мянган айлын орон сууц борлогдсон байгаа бол 4262 айлын орон сууц борлогдож амжаагүй байна. Ашиглалтад орох хугацаагаар нь харвал 2020 оны I улиралд ашиглалтад орох орон сууцны 26.7 хувь нь борлогдож, 73.3 хувь нь борлогдоогүй байжээ. Харин III улиралд ашиглалтад орох орон сууцны 25 хувь борлогдсон бол IV улирлынх 19 орчим хувийн борлуулалттай байна.

Шинэ төрлийн “коронавирус”-ийн нөлөөгөөр дотоодын үл хөдлөх хөрөнгийн салбарт одоогийн байдлаар борлуулалт болон үнэ ханшид өөрчлөлт ороогүй ажээ. Цаашдын нөхцөл байдлаас хамаарч зах зээлд нөлөөлж магадгүй гэж мөн онцолж байна.

Хэрэв “Шинэ төрлийн "коронавирус”-ийн тархалтын тоо Монгол Улсад нэмэгдэхгүй хэвээр байвал цаашид орон сууцны борлуулалтад төдийлөн нөлөөлөхгүй байх магадлалтай. Харин нэгээс хоёр сарын дараагаас нөлөө нь мэдрэгдэж магадгүй" гэж “Mongolian Properties” онцолж байна. Харин түрээсийн зах зээлд сөргөөр нөлөөлж эхлээд байгаа аж. "Оффисын зах зээлд удахгүй мэдрэгдэж эхэлнэ" гэж тус компаниас мэдээллээ.

Захиалга авч буй шинэ орон сууцны тухай дэлгэрэнгүй мэдээллийг  ШИНЭ ОРОН СУУЦ  эндээс авна уу

Эх сурвалж: Bloombergtv.mn