Барьцалдуулагч материал, элс, шохой болон тусгай зориулалтын полимер нэмэлтийг зохистой харьцаагаар хуурайгаар хольж найруулсан бүтээгдэхүүнийг хуурай хольц гэнэ. Цементэн суурьтай хуурай хольцын нэг төрөл нь плита наах цавуу юм. Плитаны цавууны барьцалдуулах материал нь портландцемент байдаг бол дүүргэгч материалд элс, мөн полимер нэмэлт ордог. 

Цавуунд тавигдах шаардлага: Цавуу нь “MNS6424-2013 Барилгын ажилд хэрэглэх цавуу. Техникийн шаардлага” стандартын шаардлагыг хангах ёстой. Тус стандартад заасан үндсэн шинж чанарын үзүүлэлтээс дурдвал: 

●Чийглэг - Хуурай цавууны чийглэг жингийн 0,2%-иас ихгүй байна. 

●Нунтаглалт - Нунтаглалтын шаардлага нь 02 шигшүүр дээрх үлдэгдэл 15 %-иас ихгүй байна. 

●Асгаасан нягт - Хуурай цавууны асгаасан нягт 1200 кг/м3 -ээс багагүй, 1800 кг/м3 -ээс ихгүй байна. 

Үйлдвэрлэх технологи:

Плитаны цавууг төрөл бүрийн хүчин чадалтай автоматжуулсан болон хагас автомат үйлдвэрт үйлдвэрлэнэ. Хүчин чадал нь зууруулын эзэлхүүн, савлах машины тоо, материал хадгалах сангийн тоо хэмжээ ба эзэлхүүнээр тодорхойлогдоно. Манай орны нөхцөлд үндсэн түүхий эд болох цемент, элс нь олдоцтой байдаг тул үйлдвэрлэл эрхлэх боломжтой.   

Цавууг үйлдвэрлэх технологи дараах ажилбараас бүрдэнэ. 

1.Түүхий эдийг бэлтгэх

2.Элсийг хатаах 

3.Элсийг шигшиж ялгах 

4.Элсийн жингийн тугнуураар тугнах /хэмжих/

5.Цемент болон полимер нэмэлтийг тугнах

6.Зуурагчаар хольж зуурах

7.Савлах

8.Бэлэн бүтээгдэхүүний агуулахад хураах, хадгалах

Плита наах 1тн цавуунд орох материалын жишиг орц:

Цемент-450кг

Хуурай элс-550кг

Полимер нэмэлт-3кг орчим орно. Полимер нэмэлтэд наалдамхай чанар болон бат бэхийг сайжруулах нэмэлтүүд байна. Дотор хана болон шаланд керамик плита наах нь тохиромжтой ба плитаг сонгож авахдаа хэмжээ /урт, өргөн, зузаан/, өнгө, ямар зориулалттайг мэдэх хэрэгтэй.

Нэг м2-д орох плитаны тоо, цавууны хэмжээг яаж мэдэх вэ

Плитаны тоог олохдоо:

- Хана ба шалны урт, өргөнийг мэдсэнээр талбайг олно.

-Плитаны хэмжээг /урт, өргөн/ мэдэж эзлэх талбайг гаргана.

-Заадсын өргөнийг /ихэвчлэн 2-5 мм байдаг/ тооцох

-Нийт талбайг 1 плитаны талбайд хувааж плитаны тоог олно.

Плитаны цавуу нь 1м2-д 6-8 кг ордог.

Плита, цавууны жишиг дараах үнийг ашиглан плита наах өртгөө тооцоорой.

Плита наах цавууны хэрэглэх хүрээ: 

-Ариун цэврийн болон гал тогооны өрөөний хана, шаланд плита наах

-Хуурай болон чийгтэй дотор орчинд хэрэглэнэ.

-Бетон, цемент гадаргуу дээр плита наах

-20кг/м2-аас бага жинтэй плитаг наана.

-Ус уулт нь 6%-иас их байх плитаг наахад ашиглана.

-Зөвхөн усаар зуурна, хэрэглэхэд хялбар

-Мод, металл зэрэг хэлбэр нь өөрчлөгддөг гадаргууд хэрэглэхгүй

-Будагтай ба хуванцар гадаргууд хэрэглэхгүй.

-Хэт халуун эсвэл хүйтэн нөхцөл, шууд нарны тусгал, хүчтэй салхинд хэрэглэхээс зайлсхийх хэрэгтэй.

Хэрэглэхонцлог: 

Плита наахбагаж хэрэгсэл:

Шүдтэйтатагч:

Гадаргууг бэлтгэх:

-Гадаргуу нь хатуу, жигд, хавтгай, тэгш, хуурай байх ба энгийн шингээгчээр цэвэрлэнэ. 

-Гадаргууг тоос, аливаа тос, бохир зүйлсгүй болтол нь цэвэрлэнэ. 

-Хуучин будаг ба шохойг арилгана.

-Гадаргууг хамгийн багадаа 48 цагийн өмнө засварлаж дууссан байна

Дотор хананд керамик плита наах дараалал:

1.Хувиндаа цэвэр усаа хийж, дараа нь цавууны нунтагаа нэмнэ. Жингийн харьцаа нь ус-1 хэсэг,  цавууны нунтаг 3-3,5 хэсэг байх ба цахилгаан зуурагчаар бага хурдаар бөмбөлөггүй зуурмаг болтол нь хутгана. Хутгасны дараа хэрэглэхийн өмнө 5-10 мин байлгана. Зуурмагаа халуун болон нарны туяанаас хол байлгаж 4 цагийн дотор хэрэглэнэ. Плитаны ар талыг нь цэвэрлээд наахаасаа өмнө норгоно.

2.Плита наах ажил нь ханан дээр тэмдэглэгээ хийхээс эхэлнэ. Ханыг доороос нь хэмжиж нэг плитаны өндрийн хэмжээгээр шугам татна. Энэ шугамын дагуу метал профилийг түр тогтоож плитаг наах нь бэхэлгээ болохоос гадна плитаны тогтвортой байдлыг хангана. Хэвтээ чиглэлийн тэгшийг тэгш усаар шалгах хэрэгтэй. Мөн лазер тэгш усыг ч ашиглаж болно.

3.Шүдтэй татагчаар гадаргуу болон плитаны ард цавуунаасаа түрхэнэ. Түрхэх зузаан нь гадаргуугийн тэгш байдал, төрлөөс  хамаарна. Өрөөний температур, чийглэг хавтанцарын хэмжээнээс шалтгаалж нэг удаагийн цавууны тараах хэмжээг тогтооно. 

4.Плитаг доод эгнээнээс эхлэн байршуулан хөнгөн дарна, резинэн алхаар цавууг жигд тархтал хөнгөн тогшиж, сайн наалдсаныг нягтална. Плита хоорондын заадсыг жигд болгохын тулд зориулалтын хуванцар нэмэх хэлбэртэй хавчуургыг хэрэглэж болно. 

5.Плитаг наасаны дараа цавууг хангалттай хатаах хэрэгтэй, дор хаяж 24 цагийн дараа заадсын чигжээсийг зориулалтын хольцоор хийнэ. Энэ нь чухал ажилбар бөгөөд чигжээс нь гоо зүйн үзэмж өгөхөөс гадна плита хоорондын үеийг чийгнээс хамгаалдаг. Хавтанцар өнгөлгөөний илүүдэл чигжээсийг зориулалтын порлон, цэвэр алчуураар арчиж цэвэрлэнэ.