“Architectural Digest” сэтгүүл энэ сарын “Дотогшоо орцгооё” буландаа жүжигчин Дакота Жонсоны гэрийг онцолжээ. 

АНУ-ын жүжигчин Дакота Жонсоны  Лос Анжелес дахь гэр нь бүхэлдээ дундад зууны үеийн винтаж маягийн интерьерийн шийдэлтэй. Харин зураг төслийг нь нэрт архитектор Карл Местон гаргасан бөгөөд Жонсон энд таван жилийн өмнө нүүж иржээ. “Надаас өмнө энд найруулагч, продюсер Райн Мурфи амьдарч байсан юм. Тэр байшиндаа над шиг л хайртай  байсан хэдий ч тэдний гэр бүл олуулаа болж нүүхээр шийдсэн. Тиймээс би их азтай шүү. Үл хөдлөх хөрөнгийн мэргэжилтэн надад энэ байшинг танилцуулахад би шууд л худалдаж авахаар шийдсэн. Бас дотроо хэзээ ч энэ газрыг зарахгүй гэж бодсон” хэмээн Жонсон ярьсан юм.

Тэрээр дундад зууны үеийн хэв маягтай байшиндаа бага зэрэг орчин үеийн өнгө төрх оруулахаар шийдэж Pierce & Ward дизайны компанитай хамтран ажилласан байна. Унтлагын өрөө нь үйсэн шалтай байсан учраас засвар хийхэд хамгийн төвөгтэй байсан ч дээд зэрэглэлийн модон шал, ханын шүүгээг хийжээ. 

Зочны өрөөний тавилга нь винтаж загварынх бөгөөд бор хилэн буйдантай. Мөн дээр үеийн “wurlitzer” брэндийн төгөлдөр хуур, пянзны цуглуулга бий. “Найзууд маань манай гэрт ирэхээрээ зочдын өрөөнд шар айраг ууж суух дуртай. Зочны өрөө учраас тэр биш гадаах орчныг харж болох шилэн ханатай болохоор” гэж Жонсон хэлсэн юм. 

Ажлын өрөөнийх нь хамгийн дуртай хэсэг нь хананд суурилуулсан хүрэн өнгийн модон номын тавиур. Харин түүний дуртай өнгө нь ногоон. Тиймээс ч гал тогооны тавилгаа Pierce & Ward -д санал тавьж ногооноор будуулжээ. 

Гадаах цэцэрлэг нь усан сантай бөгөөд жүрж, лемоны мод, хулс ургадаг. Мөн түүний цэцэрлэгт байрлах ширээ сандалыг Их Британийн ерөнхий сайд агсан Уинстон Черчиллын давруулт онгоцны модоор хийсэн гэдгийг онцолсон юм.