Бидний мэддэг алдартай загварын, технологийн, барилгын компаниуд ямар оффист үйл ажиллагаа явуулдаг бол гэж та бодож байсан уу? Тэгвэл дэлхийд үйл ажиллагаагаараа аль хэдийнээ танигдсан үндэстэн дамнасан компаниудын оффисийг цувралаар танилцуулж байна.

#1  Google компани

Бидний өдөр тутам хэрэглэдэг Google хайлтын системийн ард ямар хүмүүс, хаана, хэрхэн ажилладаг бол.

Google нь онлайн технологи, хайлтын систем, үүлэн тооцоолол, програм хангамж, тоног төхөөрөмж зэрэг интернет үйлчилгээ, бүтээгдэхүүн үйлдвэрлэлд мэргэшсэн Америкийн үндэстэн дамнасан технологийн компани юм. Энэ компани одоо дэлхийн 50 гаруй улсад нийт 78 салбартайгаар үйл ажиллагаагаа явуулж байна.

Эдгээр салбарын оффисууд бүгд нүд алдам гайхалтай интерьерийн шийдэлтэй. Ингээд Израиль Улсын хамгийн их хүн амтай Тель-Авив хотод байрлах Google компанийн оффисыг танилцуулж байна.

Энэхүү оффис  Тель-Авив хотын хамгийн өндөр барилга болох 45 давхар  Электра цамхагт байрладаг. Тус оффисийн интерьерийн шийдлийг CAMENZIND EVOLUTION архитектур, интерьер зураг төслийн компани хийж гүйцэтгэсэн байна.