Жонатан болон Юнаел нар бол залуухан Франц хос. Тэд өмнө нь байшин барьж байсан туршлагагүй боловч хоёр жилийн турш өөрсдөдөө зориулан аяллын чиргүүл барьжээ. Өнгөрсөн оноос эхлэн хосууд энэхүү чиргүүлдээ амьдарч, ажиллаж тэр ч байтугай Франц улсаар аялсан байна. Харин одоо тэд дэлхийгээр аялахаар шийдэж, европоос эхлүүлжээ.

Ингээд тэдний аяллын байшинг танилцуулж байна. 

Жонатан бол кино найруулагч, видео эвлүүлэгч харин Юнаел график зураач мэргэжилтэй учраас аялж явах үедээ ч ажлаа хийж чаддаг.

“Гал тогоо бол манай гэрийн хоёр дахь том хэсэг бөгөөд хамтдаа зогсож байгаад ч хоолоо хийх боломжтой. Ус халаах системтэй, усны танк 400 литр хүртэлх багтаамжтай. Харин байшин тэр чигтээ нарны эрчим хүчээр халдаг” хэмээн Жонатан ярьсан юм.

Тэд чөлөөт цагаараа кино үзэх , видео тоглоом тоглох дуртай. 

Жижигхэн аяллын байшинд тухтай амарч чадна гэж үү, хэмээн бодож байвал энэ зураг хариулт болно байх. Юнаел “Бид цонхонд дуртай учраас орныхоо хоёр талд цонх хийсэн. Сэрэнгүүтээ л өглөөний өнгө үзэмжийг биширч, хэдэн минут орондоо хэвтэх хамгийн сайхан” гэсэн юм.

Аяллын чиргүүл зай талбай багатай учраас буйданг дэлгэж ор болгох боломжтой. Харин ширээг дэлгэж илүү том болгож болно гэх мэтээр ихэнх тавилга нь зай хэмнэх давуу талтай юм.