Загвар зохион бүтээгч, зураач, дизайнер гэх мэт уран бүтээлч хүмүүс үргэлж онцгой хувцаслалт, содон өнгө төрхөөрөө бусдаас ялгарч байдаг. Харин тэдгээр хүмүүс хаана, хэрхэн тохижуулсан, ямар гэрт амьдардаг бол гэж бодож байсан уу.

Тэгвэл “Dazey LA“  хувцас загварын брэндийг үүсгэн байгуулагч, интерьер дизайнер Дани Нагелийн Бичвуд хавцал дахь гэрийг танилцуулж байна. Дани гэртээ найз залуу Филип Батлер болон Франклин хэмээх нохойтойгоо хамт амьдардаг бөгөөд зургаан сарын өмнө нүүж иржээ.

 Тус пентхаус нь тэдний хамтдаа тохижуулсан анхны гэр нь биш бөгөөд Палм Спрингд хоёр унтлагын өрөө, дундад зууны үеийн нүд алдам чимэглэлээр дүүрэн эдлэнтэй. Тиймээс Дани, Филипп нар тэс өөр орон зайг бий болгохоор шийдэж  нарны гэрэл их тусдаг, задгай гал тогоо хийж болох газрыг хайж Бичвудыг сонгожээ.

 Данигийн сүүлийн үеийн уран бүтээлийн хандлага 1970-аад оны Калифорнийн хэв маягаас 1980, 1990 оны Арт Деко хэв шинжтэй болсон нь байгалийн өнгө төрхийг интерьер дизайнд илүү ашиглахад хүргэсэн байна. Тиймээс ихэнх өнгөний сонголтоо хамгийн сүүлийн хувцас загварын цулуулгаасаа хийжээ.

 Хосууд  хамгийн түрүүнд бүх гэрэлтүүлгийг сольж, орон зайг улам том харагдахуйц болгоcон байна. Харин зочдын өрөөнд усан ягаан, унтлагын өрөөнд гич шиг шар өнгө зонхилно. Унтлагын өрөөний интерьерийн шийдлийг хананд цэг зурах тухай блог уншиж байхдаа олсон байна. Зочдын өрөөний хилэн ягаан буйдан бол Данигийн хайртай хэсэг. Харин гал тогоогоор дамжин гарах тагт нь тэдний нохой Франклины дуртай газар юм.