Хаврын эхэн сарын шинэ дугаар уншигч таны гар дээр ...
Бүтээн байгуулагчдаа үргэлж дэмжин салбартаа тэргүүлэгчдийн үзэл бодол, хийж бүтээсэн ажлын тухай нийтлэл, ярилцлага, салбарын мэдээ мэдээллийг уншигчдадаа хүргэдэг Барилга.МН сэтгүүлийн 118 дахь дугаар уншигч танд хүрч байна. Энэ удаагийн дугаараас онцолвол...
Нийтлэл: МЭРГЭЖЛИЙН компани уу, ЧЕНЖ компани уу
Бид “Нийтлэл” булангийнгаараа “Барилгын салбарт маркетинг хэрхэн хийх” талаарх цуврал контентийг бэлтгэн бизнес эрхлэгч нартаа хүргэж байгаа билээ. Өмнөх дугаарт маркетингийн үе шатуудыг хамгийн ерөнхий, энгийнээр томьёолсон Аллан Диб зохиогчтой “Маркетингийн 1 хуудас төлөвлөгөө” номны загварчлалаас санаа авч, таны бизнесийг шинэ шатанд гаргах, амжилтад хөтлөх зөвлөгөө нийтлэлийг хүргэсэн бол энэ удаад барилга угсралт болон зураг төслийн гүйцэтгэгч компаниудад зориулсан маркетингийн нийтлэлээ хүргэж байна.
Энэхүү нийтлэлээрээ салбартаа үнэнч МЭРГЭЖЛИЙН байгууллага, бүгдийг зоосны мөнгөөр хардаг ЧЕНЖ компаниудын ялгааг харуулсан бөгөөд мэргэжлийн компаниуд бага зардлаар маркетингаа хэрхэн хийх тухай зөвлөгөөг, нийтлэлийг бэлтгэлээ.
Дугаарын зочин
Хаврын урин дулаан цаг ирж, бүтээн байгуулалтын их ажил эхэллээ. Энэ жил улсын төсвийн хөрөнгө оруулалтаар гэхэд 1,828.9 тэрбум төгрөгний 1427 төсөл арга хэмжээг хэрэгжүүлж, БХБЯ - наас “150 000 айлын орон сууц хөтөлбөр” болон бусад томоохон төслүүд хэрэгжхээр болсон билээ. Тиймээс барилгын салбарын материалын үйлдвэрлэл, импортын байдал, материалын бодлого, өртгийг бууруулах чиглэлээр явуулж байгаа үйл ажиллагаанууд бусад холбогдох төслүүдийн талаар Барилга хот байгуулалтын яам /БХБЯ/ - ны Барилга, барилгын материалын үйлдвэрлэлийн бодлогын хэрэгжилтийг зохицуулах газрын дарга Б.Гантулгаас тодруулан “Дугаарын зочин” буландаа урилаа.
Амины орон сууц
Хүн төрөлхтний эрчим хүчний хэрэглээний өсөлт хурдацтай нэмэгдэж, эрчим хүчний хэрэглээг хангагч түлшний шаталтаас ялгардаг хорт хийнүүд нь дэлхийн дулаарал, цаг агаарын өөрчлөлтийн голлох шалтгаан болж байна. Үүнээс гарах гол арга зам бол эрчим хүчний зөв ухаалаг хэрэглээнд сургаж хэвшүүлэх, хэмнэлттэй дэвшилтэт техник технологи ашиглах, сэргээгдэх эрчим хүчийг хэрэглэх явдал юм. Тиймээс бид энэ удаагийн дугаартаа эрчим хүчний хэмнэлттэй амины орон сууцны төлөвлөлт, загвар, төсвийг гарган нийтэллээ. Өөрийн эзэмшил газраа, зусландаа хувийн сууц барих гэж байгаа танд тус болно гэдэгт итгэлтэй байна.
Шинэ орон сууцны үнэ ханш, эрэлт нийлүүлэлтийн судалгаа
Байр, орон сууц худалдаж авахаар хайж байгаа болон барьсан барилга, орон сууцаа худалдаж борлуулахыг хүсч байгаа хувь хүн, албан байгууллага, хэрэглэгчдэдээ зориулсан нийтлэл, судалгаа, үнэ ханш гээд багц мэдээллийг Барилга.МН сэтгүүл сар бүр тогтмол хүргэдэг билээ. Та Улаанбаатар хотод захиалга авч байгаа болон борлуулагдаж байгаа байр орон сууцны үнэ ханшийн байдлаас гадна цемент, тоосго, блок, арматур, бетон зуурмаг, төмөр хийц, төрөл бүрийн хавтан, тоосго блок, модон материал, хуурай хольц, цонх хаалга, элс хайрга, будаг эмульс гээд барилгын бүхий л материалын үнэ ханшийг 2020 оны 02 дугаар сарын 20-ны байдлаар нийтэллээ. Та бүхний ажилд судалгаа, тооцоо, төсвөө гаргахад тус болно гэдэгт бид бүрэн итгэлтэй байна.
"Барилга.МН" сэтгүүлийг "Номин" болон "Оргил" сүлжээ дэлгүүрийн салбарууд, номын дэлгүүрүүд, сонин сэтгүүл борлуулах цэгүүдээс худалдан аваарай.
Утас: 91000233, 77111777
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.