Монголчуудын хувьд кафе гэхээр янз бүрийн гэрэлтүүлэг, модон сандал ширээ, бор өнгө зонхилсон  тухтай чимээгүй орчноор төсөөлөгддөг. Тэгвэл орчин үеийн кафе болгож тохижуулсан уламжлалт монгол гэрт кофе уугаад сууж байна гээд төсөөлөөд үзээрэй.

Лондон хотын Экатрин дүүрэгт Төв Азийн нүүдэлчин монголчуудын уламжлалт сууц болох монгол гэрийн архитектурыг ашиглан байгуулсан кофе шоп бий. Таван ханатай монгол гэрээс гурав дахин том энэ кафе халуун кофе, жигнэмэг, бялуу, шүүсээр үйлчлэх бөгөөд уугуул оршин суугчдаас гадна өөр улсын жуулчид ч зочлох дуртай. Учир нь минималист амьдралын хэв маяг эргээд хүчээ авч байгаа болохоор тэр.  Монгол гэрийг барихад ширхэг хадаас ч хэрэггүй байх бөгөөд эсгий, мод гэх мэт  бүтээгдэхүүнийг ашигладаг гэдгээрээ байгальд ээлтэй сууц гэгддэг. Лондон дахь гэр кафе том тоонотой ба хана дагуу цонхнуудтай учраас зуны улиралд нараар халдаг, ихэвчлэн байгалийн гэрлийг ашигладаг учраас минималистуудын анхаарлыг татдаг байна.  Мөн бусад уламжлалт кафетай харьцуулахад архитектурын хувьд тун өвөрмөц шийдэл юм.