Орчин цагийн хотын тогтвортой хөгжлийг хангах 10 зөвлөмж
Өнөө цагт дэлхий нийтээр хот суурин газруудыг нөхөн сэргээх асуудлыг чухалчилж, илүү ухаалаг хотуудыг хөгжүүлэхэд ач холбогдол өгөх болжээ. Байгаль эх, цаг уурын хурдацтай өөрчлөлтүүд асуудал дагуулж, хүн төрөлхтнөөс хариуцлага, ухамсрыг нэхсээр буй энэ үед архитектор, хот төлөвлөгчид хот суурин газрын тогтвортой хөгжлийг хангахад шаардагдах дараах 10 зөвлөмжийг нэгтгэн гаргажээ.
Зөвлөмжийг "Термигас Импианти Технологи" ХХК-ийн захирал, архитектор Рафаэлле Орефичегийн бэлтгэснээр хүргэж байна.
1. НЭГДМЭЛ ЦОГЦ БАЙДАЛ
Зөвлөмжийг "Термигас Импианти Технологи" ХХК-ийн захирал, архитектор Рафаэлле Орефичегийн бэлтгэснээр хүргэж байна.
1. НЭГДМЭЛ ЦОГЦ БАЙДАЛ
- Төрийн болон хувийн хэвшлийнхний хэрэгжүүлж буй барилгын төслүүд хоорондын хот байгуулалт, үйл ажиллагааны менежментийг уялдаа холбоотой байлгах арга замыг эрэлхийлэх
- Ухаалаг хот, ухаалаг суурин, байгаль орчинд ээлтэй өндөр түвшний санаачилгуудыг хэрэгжүүлж чадахуйц технологийн шинэчлэлийг ашиглан хүрээлэн буй орчны нөхөн сэргээлтийг бий болгоход чиглэсэн нэгдмэл оролцоотой төслүүдийг бий болгох
2. ЭДИЙН ЗАСАГ
- Аливаа үйл ажиллагааг төлөвлөх, удирдахад эдийн засгийн агуулга, чадавхыг сайжруулах
- Санхүү болон нийгмийн менежментийн хоорондох үр дүнтэй уялдаа холбоог бий болгохын тулд шинэ санаачилгын үзэл баримтлалаас эхлээд эдийн засгийн субъектуудын эрх мэдэл, үүрэг хариуцлагын ялгаатай онцлог шинж чанаруудыг харгалзан үйл ажиллагаа явуулах
3. НИЙГЭМ
A. Үйл ажиллагааг нийгмийн бодлогод тусгах, аюулгүй байдал, эв санааны нэгдэл, нийгмийн эв нэгдэл, ажиллах орчин, хөдөлмөр эрхлэлтийг сайжруулах
B. Нийгмийн үр дагаварт үнэлэлэлт дүгнэлт өгч загвар боловсруулах
4. СУРГАЛТ
А. Мэргэжлийн шаардлагатай ур чадварыг бий болгохын тулд цаашид сургалтын орчныг сайжруулж, боломжийг идэвхжүүлэх
5. ТЕХНОЛОГИ
- Wi-Fi сүлжээг бүх орон нутаг даяар нэвтрүүлэх: цахим шуудан шалгах, онлайн сонин унших, нийтийн интернэт сүлжээтэй үед автобусны хуваарийг хялбархан шалгах боломжтой
- Гэрийн автоматжуулалт ба ахуйн эд зүйлсийг интернэтжүүлэх: хүрээлэн буй орчин нь бүхэлдээ температур, бохирдуулагч, чийгшил, галын хяналт, аюулгүй байдал зэргийг хянах электрон систем бүхий "ухаалаг" технологи хурдацтай хөгжөөд байна. Тиймээс өнөө үед алсын удирдлага гэдэг зүйл шинэ үе шатанд гарч, вэбээр дамжуулан объектын үйл ажиллагааг зохион байгуулах, хянах, программчлах боломжтой болжээ.
6. ГАЗАР НУТАГ
- Хөрсний тэг хэрэглээ: Хамгийн сүүлийн үеийн технологийг ашиглан одоо байгаа байгууламжуудыг шинэчлэх, орчин үеийн болгоход анхаарал хандуулж байна. Үүнтэй уялдуулан Италийн парламент 2016 оны тавдугаар сард газар ашиглалтын журмыг баталжээ.
- Ногоон дээвэр ба хотын цэцэрлэгжүүлэлт: Хотод ногоон байгууламжийг нэмэгдүүлэх, нүүрстөрөгчийн хийг бууруулах, мөн ургамал, цэцэг, мод бутыг гоёл чимэглэлийн зориулалтаар ашиглах боломжтой. Ингэснээр зуны улиралд хэт халалтыг багасгах, өвлийн улиралд хэсэгчлэн тусгаарлахын тулд дээвэр нь ногоон цэцэрлэгтэй байх ба хотын хүнсний ногооны цэцэрлэг нь стрессийн эсрэг бяцхан тусламж үзүүлэхээс гадна дэлгүүрээс бүх зүйлийг худалдан авахтай харьцуулахад таны мөнгийг хэмнэдэг.
7. НЭГТГЭХ БАЙРШЛУУД
- Хамтын ажиллагаа: Хувиараа хөдөлмөр эрхлэгчдэд зориулсан дундын оффисын байрыг дэмжих нь зүйтэй. Тэдгээр нь мэргэжлийн түвшинд шаардлагатай бүхий л эд зүйлсээр тоноглогдсон байх юм. Зарим хамтын оффист 3D принтер, дизайн, программ хангамжуудын нээлттэй эх үүсвэрийг ашиглах гээд шинэ технологиуд дээр төвлөрч ажиллах боломжтой.
- Олон нийтийн барилгуудыг нэгтгэх байршил болгон ашиглах: Ихэвчлэн үдээс хойш нээгддэг музей, номын сан, сургууль зэрэг соёл, үйлчилгээний газруудыг ашиглаж болно. Сургуулийн цогцолборуудыг хичээлийн дараах цугларалт, нээлттэй хичээл, нийгмийн нээлттэй орон зай, спорт арга хэмжээ, уншлага, мэдээлэл солилцох, соёл сурталчлах үйлсэд ашиглах боломжтой.
8. ЭРЧИМ ХҮЧ
- Сэргээгдэх эрчим хүч ба эрчим хүчний хэмнэлттэй мини-технологиуд: Эрчим хүчний ирээдүй “мини” технологи руу шилжиж байна. Барилга дахь нарны зайн хавтан, нарны дулааны төхөөрөмж, мөн микро-салхин төхөөрөмж нь багахан орон зайг ашиглан чулуужсан түлшний хэрэглээг багасгах архитектурын шийдэл юм. Эдгээр технологиудын тусламжтайгаар гэр болон ажлын байрандаа программ хангамжаар дамжуулан эрчим хүчний хаягдлыг багасгах боломж бүрдэнэ.
- Иргэд болон компаниудыг шагнаж урамшуулах / торгох ухаалаг тогтолцоо: Хог хаягдлыг нягтруулагч, дээврийн нарны хавтан гэх мэт ухаалаг технологийн шинэчлэлд иргэдийг өргөнөөр хамруулахын тулд энэхүү тогтолцоог Италийн томоохон хотуудын захиргаанаас бодит ажил болгон хэрэгжүүлж эхэлжээ. Тэд хогны машины хэрэглээг багасгахын тулд хог хаягдлын стандартын хэмжээнээс тав дахин их болж дүүрсэн үед анхааруулга өгөх системийг нэвтрүүлжээ.
9. ТӨРИЙН ҮЙЛЧИЛГЭЭГ ЭНГИЙН ШУУРХАЙ БОЛГОХ
А. Ухаалаг гар утас, вэб ашигладаг бичил төлбөр: Аливаа төлбөрийг түргэн шуурхай төлөхийн тулд гар утасны систем, эсвэл аппликейшн ашиглана. Энэ нь тээврийн хэрэгслийн үйлчилгээг илүү хурдан шуурхай болгоно. Франц улс саяхан нийтийн тээврийн төлбөрийг хөнгөвчлөх үүднээс бэлэн мөнгө бус Твиттерийг туршиж үзжээ.
В. Төрийн захиргааны дижитал баримт бичгүүд: Гурав дахь мянганы үеийнхэн цаасан баримт бичгийг гар утсан дээрээ маш хялбараар татаж, хадгалж авч болох цахим файлуудаар солихыг илүүд үзэх буй заа.
10. ХӨДӨЛГӨӨН
- Сүүлийн зогсоол хүртэлх дундын хөдөлгөөнт системүүд: Олон нийтийн болон хувийн компани, томоохон компаниуд ба төрийн захиргаа хоорондын хамтын ажиллагааны үр дүнд иргэд Греноблийн туршилтад үзүүлсэнчлэн нийтийн тээвэр ашиглах, сүүлийн зогсоолд хүрэх замыг хөнгөвчлөх системийг хэрэгжүүлэх боломжтой.
- Онцгой карт: Наплес хотод хүчин төгөлдөр мөрдөгдөж байгаа метро, трамвай, автобус, автомашин, унадаг дугуйн хэрэглээнд нэгэн зэрэг ашиглагддаг картыг бий болгох туршилтыг зарим хотуудад хийж байна.
- Гэр ба сургууль хоорондох хамгаалалттай замууд: Өглөөгүүр замын хөдөлгөөн удааширч, түгжрэл үүсч буй гол шалтгаануудын нэг нь сургуулийн сурагчид хичээлдээ явж буйтай шууд холбоотой. Энэхүү хөдөлгөөний саатлыг багасгахын тулд гэрээс сургууль хүртэл хамгаалалттай замыг байгуулах ёстой.
- Таксинаас авахуулаад хүрээлэн буй орчинд үзүүлэх сөрөг нөлөөгүй тээврийн хэрэгслийг урамшуулах систем: Хотын засаг захиргаа нь экологийн түлш бүхий тээврийн хэрэгслийг худалдаж авах, эрчим хүчний хуваарилах цэгүүдийн тархалтыг дэмжих хэрэгтэй. Жишээ нь, япончуудын хувьд шатахуун түгээх станцаас илүү цахилгаан тээврийн хэрэгслүүдийг цэнэглэх цэгүүдийг нэмэгдүүлсэн байдаг.
- Томоохон компаниуд, албан байгууллагуудад гэрээр ажиллах тогтолцоог дэмжих: Төрийн ажлын нарийн нягт үйл ажиллагааг явуулын менежерээр дамжуулан гэрээр хийхээр төлөвлөж болно. Хот суурин газрын шилжилт хөдөлгөөний хүрээнд системтэйгээр давтагдах байршил дээр ажиллах хүний нөөц; том компаниуд, байгууллагын ажиллагсдын тээвэрлэлтийн бүтцийг өөрчлөхөд чиглэсэн цогц арга хэмжээнүүдийг боловсруулах, мөн худалдааны төвүүд, эмнэлэг, их дээд сургуулиуд, аудитын газруудыг ч оролцуулж болно.
Уншигчдын бичсэн сэтгэгдэлд barilga.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү.