Энэ жилийн “Барилга Орон сууц 2018” үзэсгэлэн яармагийн шилдэг оролцогчоор шалгарсан зургаан байгууллагын бүтээгдэхүүн, үйлчилгээг бид цувралаар танилцуулж байгаа билээ. Энэ удаад Шилдэг дэвшилтэт технологи нэвтрүүлэгчээр тодорсон “Сан трейдинг групп”-ийг онцолж, технологи болон будгийн зах зээлийн талаар тус группийн гүйцэтгэх захирал Б.Баянсантай ярилцлаа.  

   Тэрбээр дэлхийн шилдэг технологиор шалгарсан ОХУ-ын алдарт дулаан тусгаарлагч материал “Корунд” болон “VGT” брэндийн үнэргүй, хүний эрүүл мэндэд ээлтэй эко будгийг Монголын зах зээлд нийлүүлж байгаагаараа онцолсон юм.

-Өнөөдөр бид өндөр дэвшилтэт технологийн эрэн зуунд амьдарч байна. Хүний эдэлж хэрэглэж байгаа эд юмс бүхэн ямар нэг байдлаар технологитой холбогдож байна. Дэвшилтэт технологи гэж ямар технологийг хэлж байна вэ. Юугаараа дэвшилтэт байж, бусдаас ялгарч байна вэ?

-Манай компани нь 2011 оноос “Корунд” дулаан тусгаарлагч материалыг Монголын зах зээлд амжилттай нэвтрүүлэн ажиллаж байна.

Корундын ганцхан мм түрхлэг нь 50 мм эрдэс хөвөн дулаалгатай тэнцдэг бөгөөд дулаан дамжуулалтын коэффициент нь 0,001 Вт/м,^оС байгаа нь бусад дулаан тусгаарлагч материалаас 30-40 дахин бага буюу дэвшилтэт технологийн нано бичил вакуум бөмблөгийн хольцтой онцгой бүтээгдэхүүн юм.

Корунд нь MNS 6425:2013 Стандарт, тохирлын гэрчилгээгээр баталгаажсан тул Монголын барилга, дэд бүтцийн салбарт энэхүү дэвшилтэт технологийн бүтээгдэхүүнийг ашиглах бүрэн боломжтой.

Корунд үүссэн түүх  их сонирхолтой. 1970 онд АНУ-ын NASA  болон ЗХУ-д сансарыг эзэмших програмын хүрээнд шингэн керамик дулаан тусгаарлагчтай ижил төстэй бүтээгдэхүүнийг судлах, турших ажил эхлуулсэн байдаг. Тус материал нь сансарын хөлгийн жинг хөнгөрүүлэх болон өндөр градусын температурын зөрүүг тэсвэрлэнэ гэж тооцоолж байсан юм. Хөлөг хөөрөх үед сансрын хөлгийн гадаргуу дээр +1000^оС-ээс дээш халалт үүсэх ба энэ нь экипаж болон сансарын хөлгөнд маш том аюул учруулж байлаа. Харин керамик дулаан тусгаарлагч нь өндөр хэмд шинж чанараа алдахгүйгээр тэсвэрлэж, дулаан тусгаарлалтын асуудлыг шийдэхэд гайхалтай гарц болсон. Тиймээс ОХУ-ын эрдэмтэд тус бүтээгдэхүүнийг барилгын салбарт болон ахуйн хэрэглээнд амжилттай нэвтрүүлж Корунд брэнд үүссэн юм.

-Та бүхэн мөн ОХУ-ын алдарт “VGT” брэндийн үнэргүй, хүний эрүүл мэндэд ээлтэй эко будгийг зах зээлд нийлүүлж байна. Будаг үнэргүй, эко гэж онцолж байгаагийн хувьд ямар технологиор, ямар түүхий эдээр хийсэн юм бэ. Будагны үнэр хүний биед ямар хор нөлөөтэй байдаг вэ?

-Олон улсад 50 жилийн өмнө бүгд тосон суурьтай будаг ашигладаг байсан. Энэ нь их хурц үнэртэй, хүнд металын хольцтой будаг байв. Харин орчин үед усан суурьтай будаг зах зээлд нэвтэрснээр нийт зах зээлийн 80 хувийг эзэлж байна.
Бид 2017 оноос VGT брэндийн албан ёсны борлуулалгч болон ажиллаж байна. VGT брэндийн бүхий л бүтээгдэхүүн нь усан суурьтай, үнэргүй, гал дэмждэггүй, хурдан хатдаг. ОХУ-н техникийн нөхцөл ТУ 2313-012-32998388-2010-ийн 1,2,3 дугаар нөхцөлийн дагуу үйлдвэрлэлдээ хар тугалга, химийн хүнд металууд ашигладаггүй.

VGT брэндийн будгуудыг ОХУ-н барилга байгууламжийн ашиглалт-үүрэгт зориулалтын А ангилал буюу сургуулиуд, цэцэрлэгүүд, эмнэлгийн байгууллагууд, орон сууцанд ашиглах боломжтойгоороо давуу талтай. Манай зах зээлд борлуулж байгаа ихэнх нь будаг хурц үнэртэй, хүнд металын хольцтой, эрүүл мэндэд сөрөг нөлөөтэй байдаг. Иймд Монголынхоо хэрэглэгчдийн эрүүл мэнд болон барилгын салбарын хөгжилд хувь нэмэр оруулан энэхүү экологийн брэндийг боломжит үнээр зах зээлд нэвтрүүлсэн юм.

Будгийн үнэр нь толгой өвдөх, нүд, хоолой загатнах зэрэг сөрөг нөлөөтэй. Удаан хугацаанд хурц үнэрт хордсоноор хорт хавдар үүсэх, ургийн гажиг болон төв мэдрэлийн системд гэмтэл учруулдаг аюултай. Иймээс ч олон улсад үнэргүй, хүнд металын хольцгүй будаг, будган бүтээгдэхүүнийг хэрэглэхийг зөвлөдөг.

-Монголын барилгын материалын зах зээл, ялангуяа будгийн зах зээлд өрсөлдөхөд тулгарч буй бэрхшээл юу байна вэ. Будаг орохгүй барилга гэж байхгүй шүү дээ. Тиймээс оруулж ирж байгаа будгийн технологи, ноу-хау-г судлан, Монголдоо үйлдвэрлэх боломжийн талаар судалсан уу?

-Нэг үеэ бодвол манайхан эрүүл мэнддээ их анхаардаг болсон. Тэр хэрээр амьдарч буй орчин, ажлын байраа засварлахдаа үнэргүй, экологийн будгийг сонгон хэрэглэх болж. Мөн усан суурьтай будаг нь нэг цагийн дотор хатдаг, удаан эдэлгээтэй, үнэргүй учир хэрэглэж буй хүмүүст таатай байдаг. Экологийн будгийн үйлдвэрлэл, түүхий эд нь маш нарийн шаардлага, өндөр чанар, стандарттай байдаг учир бид энэхүү дэвшилтэт технологийг Монголдоо үйлдвэрлэхээр судалгаа хийж байна.

-Сүүлийн үед будганд хар тугалга агуулагдаж байна гэсэн мэдээлэл тархаад байна. Ер нь будганд заасан олон улсын стандарт гэж байна уу. Иргэд энэ талаар мэдээлэлгүй, ойлголтогүй учраас мэргэжлийн хүний хувьд хариулт өгнө үү?

-НҮБ-ын Хүрээлэн буй орчны төслийн 2016 оны тавдугаар сард 196 оронд хийсэн судалгаагаар 70 оронд будган дахь хар тугалгын хэмжээг 50-1000 ppm (сая нэгжид эзлэх концентрацын хэмжээ) хүртэл зөвшөөрдөг бол 126 улсад ямар нэгэн стандарт, хязгаарлалт байдаггүйн нэг нь Монгол Улс. Олон улсын жишгээр дээр дурдсан А ангилалын барилга байгууламжид хар тугалга огт байхгүй буюу маш бага хэмжээтэй агуулагдаж болох бөгөөд B болон C ангилалын барилга байгууламж буюу хүнд хөнгөн үйлдвэрүүдэд зөвшөөрөгдөх хэмжээг тодорхойлсон байдаг. Иймээс манай улс яаралтай будгийн хар тугалгын хэмжээ хязгаарыг тодорхойлох хэрэгтэй байна. Ингэснээр иргэд, худалдан авагчид эрүүл ахуйн шаардлага хангасан будаг, будган бүтээгдэхүүнийг ямар зориулалтаар хаана авч хэрэглэхээ мэддэг болж, эрүүл мэндээ хамгаалах боломжтой болно.