Монгол Улсад Орчин цагийн барилгын салбар үүсэн байгуулагдсаны 92 жилийн ой, Барилгачдын баярыг тохиолдуулан зохиогдож буй "БАРИЛГА ОРОН СУУЦ 2018" үзэсгэлэн яармаг 8-р сарын 24-нөөс 26-ны өдрүүдэд Мишээл экспо төвд зохион байгуулагдана.

Барилгын салбарын хөгжил дэвшлийг нэг цэгт төвлөрүүлэх энэхүү үзэсгэлэн яармагийн Ерөнхий зохион байгуулагчаар “Барилга.МН”, хамтран зохион байгуулагчаар Барилга, Хот Байгуулалтын Яам, Улаанбаатар хотын Захирагчийн ажлын алба, Монголын Барилгын Үндэсний Ассоциаци, Барилгын хөгжлийн төв зэрэг байгууллагууд ажиллаж байна.

Үзэсгэлэнд барилгын салбарын тэргүүлэгч компаниуд, дэлхийн шилдэг технологи нэвтрүүлэгчид, барилгын материал үйлдвэрлэгчид, ханган нийлүүлэгчид барилгын ухаалаг технологи нэвтрүүлэгч зэрэг гадаад, дотоодын тэргүүлэгч аж ахуйн нэгжүүд оролцоно.

Үзэсгэлэн яармагийн үеэр агаарын бохирдол, эрчим хүчний хэмнэлттэй технологи, барилгын үйл ажиллагааны тусгай зөвшөөрлийн талаарх чухал ач холбогдолтой сургалт, семинарууд хуваарийн дагуу 08-р сарын 25-ны Бямба гарагт болно.

Семинарын хуваарь:

2018.08.25 Бямба гараг (Мишээл экспод)

11:00-12:00    "Дулааны сүлжээг хөгжүүлэх өнөөгийн чиг хандлага, эрчим хүчний хэмнэлттэй шийдэл, техник эдийн засгийн үндэслэл" - "RPM-IRKUTSK & TTENERGO" компанийн төлөөлөгч Кузин Егор Владимирович, Вазенин Алексей Борисович нар /Сургалтын өрөөнд/

14:00-14:20    Барилгын Хөгжлийн Төвийн мэдээлэл  /Тайзан дээр/

14:20-14:40    “Агаарын бохирдлыг бууруулахад агаар-агаарын дулааны насосыг ашиглах нь” - ШУТИС-ийн Эрчим  хүчний хэмнэлтийн төвийн захирал Б.Мөнхбаяр /Тайзан дээр/
 

14:40-15:00    Барилгын тусгай зөвшөөрлийн талаарх мэдээлэл - МБҮА-ийн Тусгай зөвшөөрлийн хэлтсийн дарга М.Энхбаатар /Тайзан дээр/