“Барилга.МН” -ээс зохион байгуулж буй “БАРИЛГА ОРОН СУУЦ 2018”  үзэсгэлэн яармаг өнөөдөр Мишээл экспо төвд нээлтээ хийсэн билээ. Энэ сарын 24, 25, 26-ныг дуустал үргэлжлэх уг үзэсгэлэнд орон сууц, барилгын материал, сантехникийн бүх төрлийн тоног төхөөрөмж, хяналтын камер, барилга байшингийн ухаалаг систем, хивс дрож, паркетан шал, бойлуур, халаалтын төхөөрөмж, интерьер дизайны материал, үл хөдлөх хөрөнгө зуучлал гэх зэрэг бүтээгдэхүүн үйлчилгээгээ танилцуулж, нийт 120 гаруй компани оролцож байна.

   Мөн орон сууцны үнэ ханш нэлээд уян хатан болсон, банкны болон хувь зээлд хамруулах болон онцгой хямдрал урамшууллуудыг зарлажээ.

   Тухайлбал, Амгалан орон сууцны хотхоны шинээр ашиглалтад орсон байрны нэг метр квадрат нь 990.000 төгрөг болон хямдарсан бөгөөд Хаан банкны найман хувийн хүүтэй зээлд хамруулах боломжтой аж. Өнгөрсөн онд 180 айлын орон сууц борлуулсан бол энэ намар мөн 180 айлын орон сууцыг дахин ашиглалтад оруулж байгаа гэнэ.

   Харин CITY APARTMENT MALL нь орчин үеийн шийдэл бүхий өрөөний зөв зохион байгуулалт, саруулхан цонх, европ стандартын сантекникын материалтай бүрэн цутгамал төмөр бетон карказан хийцтэй гэдгээрээ онцлог аж. NEW GARDEN нь байгалийн үзэсгэлэнт тогтоц бүхий Богд хан уул, Хатан туулын хөвөөнд эко цогцолбор хотхоныг сүндэрлүүлж байгаа аж.  

   Мөн ирэх онд ашиглалтад орсон, энэ онд ашиглалтад орох, ирэх намар оршин суугчдаа хүлээн авах газар хөдлөлтөд тэсвэртэй, дуу чимээгүй орчин, эрүүл цэвэр агаарт баригдаж буй шинэхэн орон сууцны хорооллууд олон байна.

   Үзэсгэлэнг үзэж сонирхож буй иргэд  ихэвчлэн эрүүл цэвэр агаарт баригдаж буй Нийтийн эзэмшлийн зам талбай, ногоон байгууламж, гадна тохижилт сайтай, хотын хамгийн утаагүй бүсэд баригдаж буй орон сууц сонирхож байгаа гэж байв.

   Тухайлбал, иргэн Г.Мөнхдоржоос зарим зүйлийг тодруулахад “Би өнөөдөр боломжийн үнэ ханштай мөртлөө эрүүл агаарт баригдаж буй орон сууцны хорооллуудыг үзэж сонирхохоор ирлээ. Сонголт арвин байна. Маш том үзэсгэлэн яармаг болж байна. Зарим компаниуд онцгой урамшуулал зарласан байна. Ипотекийн зээлээр болон хувь лизингээр авах боломжтой нь таалагдлаа. Харьцуулж үзэж байгаад орон сууцаа сонгоно гэж бодож байна. Барилгын материалууд ч олноор дэлгэгдсэн байна. Байшин барих, ер нь барилгын холбогдолтой үйлчилгээ сонирхож багйаа хэн бүхэн заавал ирж үзэх ёстой үзэсгэлэн байна” гэлээ.  

   Харин “ТТ түүлс” компанийн инженер Н.Чойхүү ярихдаа “Манайх орон сууц барилга байшингийн ухаалаг хяналтын системүүдийг танилцуулж байгаа. Мөн автомашины GPS төхөөрөмжүүд бий. Сүүлийн үед албан байгууллагууд болон тээврийн машинууд бүгд GPS суулгадаг болсон” гэж байв.

   Үзэсгэлэн наймдугаар сарын 25, 26-ны өдөр буюу маргааш нөгөөдөр үргэлжлэх тул амралтын өдрүүдэд амжиж үзэсгэлэнгээ үзэж сонирхоорой.

  “БАРИЛГА, ОРОН СУУЦ 2018” үзэсгэлэн яармагийн
Зохион байгуулах хороо
Холбоо барих: 99000981, 99907816, 77113333