Нийслэлийн хэмжээнд нийт 11 байршилд шинээр буюу шинэчлэн замын борооны ус зайлуулах шугамын ажлыг Нийслэлийн Авто замын хөгжлийн газраас хийж байна.

Энэ хүрээнд Баянзүрх дүүргийн 26 дугаар хороо, Нийслэл хүрээ өргөн чөлөө буюу Үндэсний цэцэрлэгт хүрээлэнгийн арын замд ф300-500 голчтой ган болон төмөр бетон хоолой бүхий 1284м уйрт ус зайлуулах шугам,  ус хүлээн авах 24 ширхэг шүүрт худаг, 25 ширхэг үзлэгийн худаг угсрах ажлыг Геодези, Усны барилга байгууламжийн газраас гүйцэтгэж байгаа аж.

Өнөөдрийн байдлаар борооны ус зайлуулах шугам угсралтын ажил бүрэн дуусаж, үргэлжлүүлэн хашлага суулгах, явган замын нөхөн сэргээлтийн ажлуудыг хийж байна.