17 ДАХЬ УДААГИЙН “BARILGA BILLIARD” ТЭМЦЭЭН

2026.11.07 – 2026.11.07

Барилгын салбарын удирдах ажилтнуудын дунд зохион байгуулагддаг анхдагч спортын арга хэмжээний нэг болох “BARILGA BILLIARD” тэмцээн энэ жил 17 дахь удаагаа зохион байгуулагдах гэж байна. Тус тэмцээн нь барилгын салбарын удирдах ажилтнуудыг спортоор дамжуулан нэгтгэж, нөхөрсөг өрсөлдөөн, халуун дотно уулзалтаар дамжуулан харилцаа холбоог нь бэхжүүлдэг онцлогтой. Энэ жилийн тэмцээн 2026 оны 11 дүгээр сарын 7-ны өдөр 09:00 цагаас зохион байгуулагдахаар товоо зарлалаа. Тэмцээн Snooker болон Pool 8-ball гэсэн хоёр төрлөөр явагдана. Төрөл тус бүрийн оролцогчдод дараах шаардлага тавигдана. Snooker төрөл: Насны ангилалгүй. Барилгын салбарын төрийн болон төрийн бус байгууллага, хувийн хэвшлийн аж ахуйн нэгжийн удирдах түвшний албан тушаалтнууд оролцоно. Мэргэжлийн снүүкерийн тамирчид оролцохгүй. Pool 8-ball төрөл: Насны ангилалгүй. Нэг байгууллагаас хоёр тамирчин оролцох боломжтой. Мэргэжлийн пүүл болон снүүкерийн тамирчид оролцохгүй. Барилгын салбарын аж ахуйн нэгж, байгууллагын удирдах ажилтнуудыг 17 дахь удаагийн “BARILGA BILLIARD” тэмцээнд оролцож, нөхөрсөг өрсөлдөөнд хүч сорин, салбарын хамт олонтойгоо уулзаж, харилцаа холбоогоо өргөжүүлэхийг урьж байна. БҮРТГЭЛИЙН МЭДЭЭЛЭЛ Хэзээ: 2026 оны 11 дүгээр сарын 7-ны өдөр, 09:00 цагаас Холбоо барих утас: 9990-7816