Шинэ орон сууц, барилгын материалын үнэ ханшийн судалгааг сар бүр, ажил гүйцэтгэлийн үнэлгээг улирал тутамд шинэчлэн барилгын салбарт холбоотой мэдээ мэдээлэл, судалгаа, салбартаа нэр хүндтэй зочдын ярилцлага, мэргэжилтний зөвлөгөө мэдээлэл бэлтгэн хүргэдэг Барилга МН сэтгүүлийн 2024 оны арванхоёрдугаар сарын шинэ дугаар уншигчдадаа хүрлээ.

Энэ сарын дугаарын нүүр хуудсанд Пирамид Индастри ХХК хамтран ажиллаа. 

 175 дахь дугаарт гарсан онцлох булангуудаас танилцуулбал, 

VIP ЗОЧИН: 

Энэ удаагийн дугаарын зочноор "Пирамид Индастри" ХХК-ийн Борлуулалт маркетингийн захирал Т.Төвбаатартай ярилцлаа. Тэрбээр солонгос хэлний багш, орчуулагч мэргэжилтэй ба Солонгос улсад амралтын өдрөөр болдог үзэсгэлэн бүрийг очиж үздэг байсан бөгөөд шинэ дэвшилтэт технологи, шинэ содон зүйлийг сонирхон эрэлхийлдэг зан нь түүнийг одоогийн карьерт хүргэжээ. 

НИЙТЛЭЛ:

Дэлхийн өвийн хадгалалт хамгаалалтын мэргэжилтэн, Японы соёлын өвийн хамтын ажиллагааны концерцум О.Ангарагсүрэн “Түүхэн дурсгалт барилга, архитектурын дурсгалын сэргээн засварлалтын тулгуур ойлголт, түүнийг дахин авч үзэх талаар” цуврал нийтлэл хүргэж байгаа билээ. Тэгвэл энэ удаагийн дугаарт “Соёлын өвийн сэргээн засварлалт бол суурь олон судалгаа дээр түшиглэж явагддаг” X хэсгийг хүргэж байна. 

АРХИТЕКТУР ДИЗАЙН: 

Бүгд йнарамдах Хятад Ард Улсын Шинжень хотын захиргаа цар тахлын үеэр архитекторуудын дунд шилдэг өндөр барилга шалгаруулах уралдаан зарласан бөгөөд түрүүлсэн шилдэг төслийг бодитоор амилуулах зорилготой байжээ. Уг уралдаанд “муруй дүрсийн хатан хаан” гэгддэг Заха Хадид архитекторын бүтээл шалгарч, өдгөө Шинжень хотын дөрвөн замын уулзварт сүндэрлэх төсөл болон барилга гүйцэтгэлийн ажил үргэлжилж байна.  

СУДАЛГАА

Санхүү Эдийн Засгийн их сургуулиас гаргасан “Орон сууцны санхүүжилтийн өнөөгийн байдал, боловсронгуй болгох арга зам” судалгааны ажлыг цуврал болгон хүргэж байна. 2013 оноос олгож эхэлсэн Ипотекийн зээлийн санхүүжилтийн байдал, нийт зээлийн хэмжээ, Ипотекийн зээлд хамрагдсан иргэд, эргэн төлөлт болон нийт орон сууцны тоо зэрэг мэдээлэл хүргэж байна. 

ҮЛ ХӨДЛӨХ ХӨРӨНГӨ 

Улаанбаатар хотод 2020 онд 409 мянган өрх амьдарч байна гэсэн судалгаа бий бөгөөд энэ тоо өнөөдөр хэд болсон нь тодорхойгүй байгаа юм. Тэгвэл амины орон сууц, гэр сууцад амьдарадаг хүмүүс орон сууц худалдан авах, өөрийн газар аминй орон сууцаа арчлах аль нь ирэх онд ашигтай зөв шийдвэр байх талаар Актив зууч компанийн гүйцэтгэх захирал П.Баярсайхан үл хөдлөх зуучийн агентын зүгээс бодит зах зээлийн талаар мэдээллээ.    

ТӨЛӨВ БАЙДАЛ

Монгол Улсын зээлжих зэрэглэл B+ түвшин болж ахин гаднын хөрөнгө оруулалт нэмэгдэх, зээлийн хүү буурахад нөлөөлөх таатай нөхцөл бүрдээд байна. 2025 оны төсвийн бодлого бүхэлдээ хөгжлийн томоохон төсөл эхлүүлэх, төрийн оролцоог багасгах, хувийн хэвшлийг дэмжих чиглэлд зорилт тавьж буй ирэх жилд барилгын салбарын төлөв байдал хэрхэхийг өнгөрсөн онд хийж гүйцэтгэсэн ажлуудад үндэслэн тоймлолоо. 

ЯРИЛЦЛАГА

Лифт бол дэлхий нийтийн хамгийн өргөн хэрэглээний нэг бөгөөд технологийн шинэчлэлт хурдацтай явагдахын хэрээр инновац шингэсэн, нарийн инженерчлэл бүхий лифтнүүд олон улсын зах зээлд нийлүүлэгдсээр байна. Тиймээс олон улсын өргөн тээвэрлэх салбартаа хамгийн нэр хүндтэй брэндүүдийн нэг болох Европын KLEEMANN брэндийн Ази-Номхон далайн бүсийг хариуцсан менежер Pablo Lafuente-ыг Монгол Улсад хүрэлцэн ирсэн богино хугацаанд нь уулзаж ярилцлаа.

Мөн та Барилга МН сэтгүүлээс орчин үеийн орон сууцны үнэ ханш болон ажил гүйцэтгэлийн тайлан,  шинэ орон сууцны судалгаа зэргийг уншаарай. 

СЭТГҮҮЛ ЗАХИАЛАХ 

Утас: 9100-0233, 7711-3333