Барилга МН сэтгүүлийн 2024 оны есдүгээр сарын шинэ дугаар орчин үеийн барилгын салбар үүсэж хөгжсөний түүхт 98 жилийн ойн хүрээнд уншигчдадаа хүрээд байна.Энэ сарын дугаарын нүүр хуудсанд MAK building materials ХХК хамтран ажиллаа. 

 172 дахь дугаарт гарсан онцлох булангуудаас танилцуулбал, 

VIP ЗОЧИН: Энэ удаагийн зочны буландаа аавынхаа ажил мэргэжилд хөтлөгдөн, цаашдын бодлого үйл ажиллагааг нь өргөжүүлж яваа “Дельта элеватор” ХХК-ийн гүйцэтгэх захирал Г.Бат-Амгаланг урьж ярилцлаа. Тэрбээр салбартаа 11 жил ажиллаж буй бөгөөд өргөн тээвэрлэхийн салбарт түүчээлэгч компанийнхаа урт хугацааны бодлого, зорилтдоо  лифтний үйлдвэрлэл угсралтын шугамыг эх орондоо байгуулах зорилгынхоо талаар ярьсан юм. 

НИЙТЛЭЛ: 

Дэлхийн өвийн хадгалалт хамгаалалтын мэргэжилтэн, Японы соёлын өвийн хамтын ажиллагааны концерцум О.Ангарагсүрэн “Түүхэн дурсгалт барилга, архитектурын дурсгалын сэргээн засварлалтын тулгуур ойлголт, түүнийг дахин авч үзэх талаар” цуврал нийтлэлийг хүргэж байгаа бөгөөд энэ удаагийн дугаарт “Мэдээллийн баримтжуулалт ба гэмтлийн зурагжуулалтын тухай”  VII хэсгийг та бүхэндээ хүргэж байна. 

АРХИТЕКТУР ДИЗАЙН: 

Барилгын конфепцийн Pritzker prize шагналыг 1999 онд хүртэж байсан алдарт архитектор Лорд Норман Фостерын ээлжит нэгэн олныг гайхшруулсан бүтээлийн нэг болох Зайед үндэснийг музейг онцоллоо. 

ХӨНДӨХ СЭДЭВ: 

Орчин үед “бетонон ширэнгэ” гэгдээд буй нийслэл хотын газар зохион байгуулалт болон замбараагүй хот төлөвлөтийн талаар түүхэн он цагийн дарааллаар тайлбарлан газрыг бүтэцжүүлж, аюулгүй нөхцөлийг хангаж байж ашиглалтад нийцүүлэх нь иргэдээ хамгаалах, тэдэнд үнэ цэнэтэй орчинд хөрөнгө оруулах нөхцөлийг хангаснаар хотыг эрүүл аюулгүй орчин болгоно гэдгийг салбарын мэргэжилтэн тайлбарласан байна.

Мэргэжилтний үг 

Барилгын салбарын хөгжлийг загварчлалаар тодорхойлох нь 

Монгол Улсад барилгын салбар үүсэж хөгжсөний, түүнчлэн орчин цагийн барилгын салбар үүссэн үеэс эхлэн түүхэн хөгжлийг тодорхойлон дэлхий нийттэй харьцуулахад аль хэрд явааг шинжлэх ухааны нарийвчлалтай гаргасныг сэтгүүлийн шинэ дугаараас уншаарай.  

Ногоон барилга 

Ногоон барилга ба усны хэмнэлт Монгол оронд ногоон барилгын талаарх ойлголт түгээх, түүнд тавигдах шалгуурт өөрсдийн санаа бодлыг тусгах зорилгоор орон сууцны хотхон, хорооллуудад зориулсан ногоон барилгын суурь шаардлагуудыг манай улсад хүчин төгөлдөр мөрдөж буй эрх зүйн бичиг баримт болон олон улсын үнэлгээний аргачлалд тулгуурлан ус хэмнэх, саарал ус ашиглах шийдлийн талаар Ногоон барилга булангаас уншаарай.

Тодруулга 

Барилгын салбар дахь Ногоон зээлийн өнөөгийн байдал Дэлхийн хүн ам тасралтгүй өсөж буй энэ цаг үед хүний хэрэглээнээс үүдэн байгаль орчны сөрөг нөлөөг багасгах, бууруулахын тулд дэлхий нийтээр авч хэрэгжүүлж буй арга хэмжээний нэг нь Ногоон барилга барих юм. 

“Мэргэшсэн зэрэг” бол инженерийн мэдлэг, ур чадварын хөгжлийг тодорхойлох үнэлэмж юм

Барилгын салбарын инженерүүдийн мэргэшсэн, зөвлөх зэрэг олгох сургалтын үйл ажиллагаа түр хугацаанд Барилгын хөгжлийн төвд шилжээд байгаа юм. Уг асуудлаар Барилгын инженерүүдийн холбооны ерөнхийлөгч Б.Гантулгаас тодрууллаа.  

СЭТГҮҮЛ ЗАХИАЛАХ

Утас: 9100-0233, 7711-3333-2