Энэхүү барилгын норм, дүрмийг шингэрүүлсэн байгалийн хийг (LNG) хадгалах газар дээрх, бүрэн тусгаарлалттай, давхар ханатай резервуартай агуулахын барилга, байгууламжийг шинээр барих, шинэчлэх зураг төсөл боловсруулахад дагаж мөрдөнө.
200 тонноос ихгүй хий агуулсан, нэг криоген сав нь 260 м3-ээс ихгүй, ажлын даралт[1] нь 0.8 МПа-аас ихгүй, бага хүчин чадлын шингэрүүлсэн байгалийн хий үйлдвэрлэх, ашиглах байгууламж; шингэрүүлсэн байгалийн хий тээвэрлэдэг танкерт ачих байгууламж зэрэгт энэхүү барилгын норм, дүрмийг мөрдөхгүй.