Монгол Улсын геодезийн байрлал-өндрийн 3 хэмжээст сүлжээ нь газрын гадарга, түүний орчинд тодорхой төвөөр бэхлэгдэж солбицол, өндөр, хүндийн хүчний хурдатгал нь тодорхойлогдсон орон зайн байгууламж учраас геодезийн бүх төрлийн хэмжилт, байр зүйн зургийн үндэслэл болдог бөгөөд нийгэм, эдийн засгийн салбарууд болон батлан хамгаалах, шинжлэх ухаан, техникийн судалгааны хэрэглээнд үйлчилдэг тул газар нутгийн физик газар зүйн нөхцөлд байнгын хөдөлгөөнгүй байх нөхцөлийг хангасан, геодезийн ямар төрөл, нарийвчлалын ажилд ямар байнгын цэг, тэмдэгт байгуулах арга, техникийн үндсэн шаардлагууд, цэг, тэмдэгтийн хэлбэрүүд, гаднах тэмдэглээс ямар байх зэргийг тодорхой болгох зорилго тавьж энэхүү дүрмийг боловсруулсан болно.