Барилгын салбартай холбоотой мэдээ мэдээлэл, судалгаа, салбартаа нэр хүндтэй зочдын ярилцлага, мэргэжилтний зөвлөгөө, шинэ орон сууц, барилгын материалын үнэ ханшийн судалгаа сар бүр, ажил гүйцэтгэлийн үнэлгээ улирал бүр шинэчлэн гаргадаг Барилга МН сэтгүүлийн 2024 оны эхний дугаар уншигчдадаа хүрч эхэллээ. 

Энэ удаагийн нүүр хуудсанд “Монгол Нью Пластик ХХК” хамтран ажиллаа. 

Шинэ дугаарт гарсан онцлох булангуудаас товч танилцуулбал,

VIP ЯРИЛЦЛАГА: Хөдөлмөрч хүнийг амьдрал шагнадаг гэдэг. Энэ удаагийн VIP ярилцлагадаа хамтран ажиллагсад болон түншүүддээ “ХӨДӨЛМӨРЧ” гэдгээрээ хүндлэгдсэн И ЭН БИ ЭС ХХК-ийн ерөнхий захирал П.Цэдэндоржийг урилаа. Тэрээр салбартаа 30 гаруй жил ажиллаж байгаа бөгөөд цаашид барилгын материалын үйлдвэрлэлийн чиглэлээр үйл ажиллагаа өргөжүүлэн ажиллахаар төлөвлөж байгаа юм.

ТОДРУУЛГА: Монгол улсын барилгын салбарт жил ирэх тусам томоохон төсөл хөтөлбөрүүд хэрэгжиж тэр чинээгээрээ ажиллах боловсон хүчний асуудал ихээр яригдаж байгаа билээ.  

АРХИТЕКТУР ДИЗАЙН: Орон сууцны архитектурын нийтлэг хэв шинж нь давхар бүрийн төлөвлөлт давтагдаж, нүүрэн талын шийдэл зохиомж ч гэсэн түүнийгээ дагасан нэгэн хэвийн давтамжтай байх нь олон байна. Иймээс орон сууцны архитектурын нийтлэг хэв шинжийг эвдсэн зарим барилгуудаас жишээ болгон товч хүргэе. 

ЗАЛУУ ИНЖЕНЕР: Бид энэ удаагийн Залуу инженер буландаа Монголын барилгын инженерүүдийн холбооны шилдэг залуу инженер, Хатанбаатар ХХК-ийн гүйцэтгэх захирал М.Мөнхбаатарыг урин ярилцлаа. Тэрээр салбартаа 12 дахь жилдээ ажиллаж байгаа бөгөөд зургийн техникчээс гүйцэтгэх захирал болон өсөн дэвжсэн төдийгүй салбартаа өөрийн дуу хоолойгоо хүргэн ажиллаж буй нэгэн юм. 

АМИНЫ ОРОН СУУЦ: 2024 онд барилгын салбарын чиг хандлагыг CMS /construction Management Software/, BIM /Building information modeling/, дрон,  0 дулаан алдагдалтай барилга, “3D print” -ын технологи, Роботууд ба автоматжуулалт, сэргээгдэх эрчим хүч, аюулгүй ажиллагааны техниологиуд тодорхойлж байгаа бөгөөд эдгээр чиг хандлагууд улам боловсронгуй болж хөгжсөөр байна. 

Эдгээр булангуудаас гадна хууль эрх зүй, мэргэжилтний үг, нийтлэл, дуулгах сонин, та чадна гэх зэрэг булангууд маань шинэ мэдээ мэдээллээр дүүрэн байгаа.  

СЭТГҮҮЛ ЗАХИАЛАХ 

Онлайн унших: Номын сан

Утас: 9100-0233, 7711-3333-2