Сар бүр тогтмол хэвлэгддэг Барилга МН сэтгүүлээ захиалаад, ҮНЭГҮЙ ХҮРГҮҮЛЭН аваарай. 

Сар бүр барилгын салбарынханд цоо шинэ мэдээ, мэдээллийг хүргэдэг Барилга.МН сэтгүүлийн 125 дахь шинэхэн дугаар хэвлэгдэн гарлаа. Барилга МН сэтгүүлд сар бүр салбарын нэр хүнд бүхий VIP зочны ярилцлага, амины орон сууц, салбарын судалгаа, иргэдэд зориулсан хэрэгтэй зөвлөгөө, шинэ материал, технологийн дэвшил, материал болон ажил гүйцэтгэлийн үнэлгээ, шинэ орон сууцны үнэ ханш болоод бусад мэдээ мэдээллүүд хэвлэгддэг билээ. 

Харин энэ удаагийн дугаарт нийтлэгдсэн онцлох булангуудаас танилцуулж байна. 

VIP ярилцлага: Барилгын салбарын залуу бизнесмен “Бэзү технологи” ХХК-ийн гүйцэтгэх захирал И.Зүч энэ удаагийн VIP ярилцлагын зочноор уригдлаа. Ганзагын наймаанаас эхлээд өнөөгийн компанийг бий болгосон түүний бизнесийн туршлага, салбарын талаарх санал бодлыг нь хуваалцлаа.

Мэргэжилтний үг: Сүүлийн жилүүдэд манай нийслэл хотод өндөр ангиллын ба түүн рүү дөхөж очихуйц барилгууд харилцан ойр байршилд олноор баригдаж байгаа нөхцөлд тэдний буурь хөрсний ажиллах нөхцөл, хүчдэл хэв гажилтад төлөв байдлыг нарийвчлан үнэлж,  буурь суурийн зураг төслийн оновчтой шийдэл гарган барьж байгуулах асуудал чухлаар тавигдаж байна. 

Энэ талаарх дэлгэрэнгүй мэдээллийг “Мэргэжилтний үг” булангаас уншаарай.

Монгол уран бүтээлч: Энэ булангаараа Монголынхоо шилдэг архитекторуудын биежсэн бүтээлүүдийг цувралаар танилцуулж байгаа билээ. Өмнөх дугаарт архитектор Д.Дөлгөөний бүтээл болох Монголын хамгийн анхны 9 метр урт консол ”Highland” паркийг танилцуулсан. 

Тэгвэл энэ удаагийн дугаарт 2020 оны шилдэг барилгаар шалгараад байгаа “Asa land” resort - ийг онцоллоо. 

Мэргэжилтний санал: Орчин үеийн нөхцөлд цутгамал бетон, төмөр бетон бүтээц бүхий барилга байгууламж барих болсон нь барилгын үйлдвэрлэлийн технологид эрдэм шинжилгээ, туршилт судалгааны ажлын нэг чухал чиглэл болсон байна. Барилгын материалын нэр төрөл, чанарын үзүүлэлт, ялангуяа барилга байгууламжийн эдэлгээний хугацаа, ашиглалтын зохистой байдал зэрэг олон хүчин зүйлээр тэргүүлэх байрыг бетон, төмөр бетон эзэлж байна. 

Иймээс барилга барихад нэн түрүүнд дараах хүчин зүйлийг урьдчилан тооцоолсон байх хэрэгтэй. Дэлгэрэнгүйг “Мэргэжилтний санал” булангаас…

Зөвлөгөө: Улаанбаатар хот дэлхийн хамгийн хүйтэн нийслэлд тооцогддог. Өвлийн улиралд дунджаар -21o, түүнээс дээш хүйтэрдэг тул дулаан алдагдлаас үүдэлтэйгээр гэр, байшинд хөлрөлт, цанталт үүссэнээр хөгц мөөгөнцөp, цаашлаад ялзрал гэх мэт гэмтэл бий болох эрсдэлтэй байдаг. Хүйтний улиралд гэр болон барилгын дулаалгыг сайжруулснаар дулаан алдагдал 60% хүртэл хувь буурах боломжтой.

Иймд дулаан алдагдлыг хэрхэн мэдэх, дулаан алдаж байгаа хэсгийг хэрхэн дулаалах талаарх зөвлөгөөг дэлгэрэнгүй хүргэж байна. 

Амины орон сууц: Та амины орон сууц барих төслөө боловсруулахдаа урьдчилан фасадны өнгөлгөөг ямар материалаар хийхээ шийдэх хэрэгтэй. Амины орон сууцны фасад бол онцгой хийц бөгөөд фасадны өнгөлгөөний материалын зөв сонголт нь  гадна ханыг өнгө үзэмжтэй харагдуулахаас гадна цаг уурын эрс тэс  нөхцөлд тэсвэртэй, удаан эдэлгээтэй, дулаан болон дуу чимээ тусгаарлах чадвар сайтай болгодог. Хүмүүс ихэвчлэн удаан эдэлгээтэй, харагдах байдлаар гоёмсог материал авахыг хүсдэг, тэгэхдээ үндсэн шинж чанарын үзүүлэлтүүдийг нь сайн анхаарах хэрэгтэй, тухайлбал дулаан дамжуулалт багатай өнгөлгөө нь хананд чийг үүсэх, цан цохих  үзэгдлийг шийдвэрлэж чаддаг. 

Фасадны материалын дэлгэрэнгүй мэдээллийг “Амины орон сууц” булангаас уншаарай.

“Барилга.МН” сэтгүүлээ улирлаар захиалбал 18.000 төгрөг, жилээр захиалбал үндсэн үнэ 72.000 төгрөгөөс хямдруулаад 66.000 төгрөгөөр худалдан аваарай

Та сэтгүүлээ онлайнаар болон утсаар холбогдон захиалж үнэгүй төлбөргүй хүргүүлээрэй!

Захиалах => https://forms.gle/ryLFBWWDNB4xrbWD9

Утсаар захиалах: 91000233, 91000200