Шинэ орон сууц, барилгын материалын үнэ ханшийн судалгааг сар бүр, ажил гүйцэтгэлийн үнэлгээг улирал тутамд шинэчлэн барилгын салбарт холбоотой мэдээ мэдээлэл, судалгаа, салбартаа нэр хүндтэй зочдын ярилцлага, мэргэжилтний зөвлөгөө мэдээлэл бэлтгэн хүргэдэг Барилга МН сэтгүүлийн 2025 оны хоёрдугаар сарын шинэ дугаар уншигчдадаа хүрлээ.

Энэ сарын дугаарын нүүр хуудсанд Төрийн Орон Сууцны Корпораци хамтран ажиллаа. 

 177 дахь дугаарт гарсан онцлох булангуудаас танилцуулбал, 

VIP ЗОЧИН: 

“Төрийн орон сууцны корпораци” ТӨХХК-аас хэрэгжүүлж буй хэд хэдэн төсөл байгаагаас “Солонго 1,2” төсөл эхний ээлжийн 35 блокийн барилга угсралтын ажлыг гүйцэтгээд байгаа юм. Олон жил яригдаж буй уг төсөл бодит биелэлээ олж буй энэ цаг үед энэ удаагийн VIP ярилцлагын зочноор “Төрийн орон сууцны корпораци” ТӨХХК-ийн Гүйцэтгэх захирал Б.Эрдэнэбулганыг урьж, ярилцлаа.   

НИЙТЛЭЛ:

Дэлхийн өвийн хадгалалт хамгаалалтын мэргэжилтэн, Японы соёлын өвийн хамтын ажиллагааны концерцум О.Ангарагсүрэн “Монголын түүхэн дурсгалт барилга, архитектурын дурсгалын өнөөгийн байдал” цуврал нийтлэл хүргэж байгаа билээ. Тэгвэл энэ удаагийн дугаарт “Шанхын Баруун хүрээ хийд” II хэсгийг хүргэж байна. 

МЭРГЭЖИЛТНИЙ ЗӨВЛӨГӨӨ 

Барилгын тухай ерөнхий хуульд нэмэлт өөрчлөлт оруулах хүрээнд Олон Улсад Тусгай Зөвшөөрөл хэрхэн олгодог талаарх харьцуулсан судалгаа хийн, манай оронд нутагшуулах боломжтой хувилбар, гаднын орны туршлагаас судлан хуулийн төсөл боловсруулсан байна. 

АРХИТЕКТУР ДИЗАЙН: 

Олон улсад ногоон барилга үнэлэх олон төрлийн үнэлгээ байдаг ч Fitwel нь барилга, байгууламж хүний биеийн болон сэтгэцийн эрүүл мэндэд нөлөөлөх эерэгээр нөллөөллийг дэмжих зорилгоор бүтээгдсэн үнэлгээний систем юм. Тэгвэл АНУ-ын Денрев хотод сүндэрлэн буй The North River ногоон орон сууцны талаар бэлтгэн хүргэлээ

СУДАЛГАА

Санхүү Эдийн Засгийн их сургуулиас гаргасан “Орон сууцны санхүүжилтийн өнөөгийн байдал, боловсронгуй болгох арга зам” судалгааны ажлыг цуврал болгон хүргэж байна. Орон сууцны санхүүжилтийн зохистой тогтолцооны шинжилгээний энэ хэсэгт заасан шалгуур үзүүлэлтийг авч үзлээ.

ТОДРУУЛГА

Монголын Ногоон Барилгын Хүрээлэнгээс олон улсад хүлээн зөвшөөрөгдсөн, түгээмэл хэрэглэгддэг үнэлгээний системүүдийг судалж харьцуулан, манай орны байгаль цаг уурын онцлогт тохирсон ногоон барилгын “BestGER” үнэлгээний систем боловсруулсан талаар Монголын Ногоон Барилгын Хүрээлэнгийн гүйцэтгэх захирал Ц.Батгэрэлээс тодрууллаа.  

ЯРИЛЦЛАГА

Монголын барилгын салбарын ууган компаниудын нэг болох Материал Импекс компанийн худалдааны хэлтсийн дарга Ё.Батбаяртай ярилцлаа. 

Мөн та Барилга МН сэтгүүлээс орчин үеийн орон сууцны үнэ ханш болон ажил гүйцэтгэлийн тайлан,  шинэ орон сууцны судалгаа зэргийг уншаарай. 

СЭТГҮҮЛ ЗАХИАЛАХ 

Онлайн унших:

Утас: 9100-0233, 7711-3333