Барилгын салбартай холбоотой мэдээ мэдээлэл, судалгаа, салбартаа нэр хүндтэй зочдын ярилцлага, мэргэжилтний зөвлөгөө, шинэ орон сууц, барилгын материалын үнэ ханшийн судалгаа сар бүр, ажил гүйцэтгэлийн үнэлгээ улирал бүр шинэчлэн гаргадаг Барилга МН сэтгүүлийн 12-р сарын шинэ дугаар уншигчдадаа хүрч эхэллээ. 

Энэ удаагийн нүүр хуудсанд  Тоонот хаалга констракшн  хамтран ажиллаа. 

Шинэ дугаарт гарсан онцлох булангуудаас товч танилцуулбал,

VIP ЯРИЛЦЛАГА: Монголын инженерүүд олон улсын барилгын салбарт амжилттай ажиллахын зэрэгцээ дэлхийн аль ч өнцгөөс бусад орны инженерүүдтэй холбогдон туршлага судалж, хамтран ажиллах боломж нээлттэй болсоор байна. Үүний холбох гүүр, хүрэх жим нь монголын барилгын инженерүүдийн холбоо юм. Тиймээс энэ удаагийн зочин хоймортоо “Голомт констракшн” ХХК-ийн ТУЗ-ын дарга, Монголын барилгын инженерүүдийн холбооын ерөнхийлөгч А.Ариунболдыг урьж, Барилгын тухай хуулийн шинэчилсэн найруулга болон түүний ажлын туршлага, үзэл бодлыг хуваалцлаа. 

ТОДРУУЛГА: Монгол Улсын 2024 оны төсөв батлагдаж, улсын төсвөөр хийгдэх бүтээн байгуулалтын хөрөнгө оруулалт тодорхой болоод байна. Ирэх оны төсвийн хууль батлагдсанаар Төсвийн тэнцвэржүүлсэн орлогын хэмжээ 25.9 их наяд төгрөг, Зарлагын хэмжээ 27.4 их наяд төгрөг болж байна. Иймд бид энэ удаагийн нийтлэлээрээ 2024 оны эдийн засгийн төлөв байдал, барилгын материалын үнэ, үл хөдлөх салбарын төлөв байдлыг холбогдох албаны хүмүүсээс тодрууллаа. 

НИЙТЛЭЛ: Ажилтнууд нь асуудал, алдаа доголдлыг нуудаг, удирдлагууд нь бодит байдлын талаар буруу мэдээлэлтэй явдаг компаниуд Монголд олон байдаг. Ил тод биш соёлтой компаниуд ажилтнууд нь чимээгүй, удирдлагууд нь сохорсон байдаг. Иймээс барилгын компанид ил тод соёлыг бий болгох талаар энэ удаагийн нийтлэлээ бэлтгэлээ. 

АРХИТЕКТУР ДИЗАЙН: Архитекторуудын хувьд архитектурын сургууль болон өөрсдийн судалгаа, ажлын талбар дахь уйгагүй хөдөлмөрлөсөн ажлын туршлага, олон талын мэдлэг нэмэгдэх зэрэг нь улам илүү чанартай бүтээл төрөх үндэс болж байна. Архитекторууд өөрсдийн суут бүтээлээ туурвих дундаж насыг олон улсын жишгээр харвал 50-60 нас, түүнээс дээш байна.

ТОДРУУЛГА: Бид энэ удаагийн тодруулга булангаараа барилгын салбарт хүчин төгөлдөр мөрдөгдөж буй норм дүрмийн хэрэгжилтийн талаар Барилгын хөгжлийн төвийн норм, норматив хэлтсийн дарга Н. Батжилмаагаас тодрууллаа. Тэрээр Монгол Улсын барилгын салбарт 425ш норм ба дүрэм, барилгын болон техникийн дүрэм, заавар, цомог, аргачлал, 637ш стандарт, нийтдээ 1062 баримт бичиг хүчин төгөлдөр үйлчилж байгаа хэмээсэн юм. 

ШИНЭ МАТЕРИАЛ: Өнөө үед ашиглаж байгаа барилгын материал нь уламжлалт материалаас илүү хөнгөн, бат бөх, байгаль орчинд ээлтэй болжээ. Тэдгээрийн зарим нь өргөн хүрээнд ашиглагдах төлөвтэй байдаг байна. Тиймээс энэ удаагийн шинэ материал булангаараа шинэ үеийн керамик хавтанцрууд ба дизайны сонирхолтой шийдлүүдийг танилцууллаа. 

Эдгээр булангуудаас гадна хууль эрх зүй, интерьер дизайн, та чадна гэх зэрэг булангууд маань шинэ мэдээ мэдээллээр дүүрэн байгаа.  

СЭТГҮҮЛ ЗАХИАЛАХ 

Онлайн унших: Номын сан

Утас: 9100-0233, 7711-3333-2