Шинэ орон сууц, барилгын материалын үнэ ханшийн судалгааг сар бүр, ажил гүйцэтгэлийн үнэлгээг улирал тутамд шинэчлэж, барилгын салбартай холбоотой мэдээ мэдээлэл, мэргэжилтнүүдийн  нийтлэлийг бэлтгэн хүргэдэг Барилга МН сэтгүүлийн 7-р сарын дугаар хэвлэгдлээ. 

Энэ сарын дугаарын нүүр хуудсанд Амаацай ХХК хамтран ажиллаа. 

Энэ удаагийн дугаарт гарсан онцлох булангуудаас танилцуулбал…

Залуу инженер: Барилга МН сэтгүүлийн 7 дугаар сарын онцлох зочноор  барилгын инженер Б.Адилбишийг урин ярицлаа. Салбартаа 13 дахь жилдээ зүтгэж байгаа тэрээр Монголд хэрэгжсэн олон улсын томоохон төслүүдэд гар бие оролцсон бөгөөд одоо  төслийн удирдлагын чиглэлээр ажиллаж байгаа юм. 

Асуудал-Шийдэл: Хот байгуулалт хот будлиантуулалт болж байна. Хот байгуулалттын чухал ажлыг тэдний мэдлэг, чадварт даатгахын оронд эрдэм ном, хууль дүрмийг үл ойшоодог, дарга мяндагтнуудын гар хөл болж амиа хоохойлсон, мэргэжлийн бус, ажилдаа үнэнч бус хүмүүсийг томилсоор ирсний харгайгаар мухардалд оржээ. Иймд мэргэжлийн барилгын инженер Н.Заанхүү энэхүү асуудлын шалтгааныг олж илрүүлсэн талаар бичсэн нийтлэл энэ буланд багтлаа.

Мэргэжилтний үг: Газар доорх барилга байгууламжийг барих аргыг тэдгээрийг суулгах гүний хэмжээ, байрлал, барилгын байгууллагын машин механизмын боломж, инжене-геологи, гидрогеологийн нөхцөлөөс хамааруулан сонгодог. Ийнхүү газар доорх барилга байгууламжийг барих технологийн талаар бид онцлон авч бичлээ.

Нийтлэл: Дэлхийн хотуудын урьд өмнө байгаагүй хурдацтай хөгжил, хүн амын өсөлт, шилжилт хөдөлгөөн, бөөгнөрөл нь хот байгуулалтын салбарт нутаг дэвсгэрийн тогтвортой хөгжлийн зарчмыг нэн яаралтай боловсруулж хэрэгжүүлэхийг шаардсан. Гэтэл Улаанбаатар хот компакт хотын эсрэг төлөвлөлттэй байгаа талаар бид онцоллоо.

Та чадна: Хүүхдүүдийн зуны амралт эхэлж, урин дулаан цаг ирсэнтэй холбогдуулан тэдэнд зориулан бохирдол орохоос сэргийлсэн хаалга болон суудалтай олон үйлдэлт элсний талбай хэрхэн хийх талаар энэ удаагийн дугаарт бэлтгэн хүргэж байна. 

СЭТГҮҮЛ ЗАХИАЛАХ

Утас: 9100-0233