Барилгын материал үйлдвэрлэгчид, ханган нийлүүлэгчид, худалдаа эрхлэгчдэд тулгамдаж буй асуудлыг хөндөн гаргаж, гарц шийдлээ хамтдаа тодорхойлон,  холбогдох байгууллагуудад дуу хоолойгоо нэгтгэн хүргэх зорилгоор жил бүр зохион байгуулагддаг “Барилгын ханган нийлүүлэгчдийн чуулган 2024” арга хэмжээ 06 -р сарын 5 -ны өдөр “Corporate convention centre” - т зохион байгуулагдана. 

Чуулганы үеэр барилгын ханган нийлүүлэлтийн өнөөгийн байдал, төр засгийн холбогдох бодлого шийдвэр, барилгын салбар дахь хөрөнгө оруулалт, тулгамдаж буй асуудал, ханган нийлүүлэлтийн менежмент гэх мэт олон талт илтгэл тавигдаж, хэлэлцүүлэг явагдах бөгөөд оролцогчдын санал, хүсэлтийг авч, чуулганаас гарсан дүгнэлт зөвлөмжийг төрийн байгууллагуудад хүргэн ажиллах юм. Ингэснээр төр, хувийн хэвшлийн уялдаа холбоог сайжруулан, салбар дунд хаягдаж буй асуудлыг гарган, шийдвэрлэх боломжийг бий болгохоос гадна барилгын ханган нийлүүлэлтийн чиглэлээр ажиллаж буй аж ахуй нэгж байгууллагуудын үйл ажиллагааг дэмжин, зах зээлээ тэлэх боломжийг бий болгож буйгаараа ач холбогдолтой юм. 

Уг чуулганд төрийн болон төрийн бус байгууллага, барилгын салбарын төсөл хэрэгжүүлэгчид, ханган нийлүүлэгчид, салбарын ААНБ- уудын удирдлагууд, хөрөнгө оруулагчид болон худалдааны төлөөлөгчид оролцоно.

“Барилгын ханган нийлүүлэгчдийн чуулган 2024” арга хэмжээнд оролцсоноор, 

• Барилгын салбар дахь хөрөнгө оруулалт, улсын төсвийн талаар мэдээлэл авах 
• Холбогдох төрийн байгууллагуудад дуу хоолойгоо хүргэх 
• Барилгын ханган нийлүүлэлтийн өнөөгийн байдал цаашдын чиг хандлагын талаар мэдээлэл авах, солилцох 
• Networking үүсгэх 
• Төсөл хэрэгжүүлэгч, хөрөнгө оруулагчидтай уулзаж бизнесийн хамтын ажиллагаа өргөжүүлэх, зорилтот сувагтаа мэдээ мэдээллээ үр дүнтэйгээр түгээх боломжтой 

Иймд барилгын салбарт үйл ажиллагаа явуулж буй аж ахуй нэгж байгууллагуудыг уг чуулганд оролцон, үзэл бодлоо илэрхийлж, саналаа хүргүүлэхийг урьж байна.

Зохион байгуулагч: БАРИЛГА МН, БАРИЛГЫН ХАНГАН НИЙЛҮҮЛЭГЧДИЙН ЗӨВЛӨЛ

Хамтран зохион байгуулагч: БАРИЛГА, ХОТ БАЙГУУЛАЛТЫН ЯАМ, БАРИЛГЫН ХӨГЖЛИЙН ТӨВ

Бүртгэлийн хураамж: 

Барилга МН-ийн Гишүүн байгууллага - 50 000 ₮ 

                             Гишүүн бус байгууллага - 100 000 ₮

Холбоо барих: 7711-3333-1, 9990-7814

БҮРТГҮҮЛЭХ